Articles, Articles (Sizang Lai), Rev. Kip Thian Pau, Video in Siyin

US Siyin Baptist Church Inauguration

2011 kum April (24) ni in USA, Maryland state, Columbia khua sung ah, US Sizang Tuiphum Pawlpi ( US Siyin Baptist Church) kipan hi. Maryland, Virginia le Washington DC kiim a teang tuiphum biakpiakna dan a lungngul Sizang mi pawl khat taw in akipan ahihi.

US Siyin Baptist Church pian natu in a hanciam zawk uk se, kum 1 kiim khawngma hi zo hi. Sizang Burmese Mission Church Maryland ah om zo ahikom, pawlpi dangkhat kipatkiktu akilawm katawm ci in ngaisutnate le, haksatna tatuamte, naseammi ih hitek bangma, hun nga ngawlna cibang te huvau in hun hong hai tatou hi. Taciang Sizang mimal om susun in pawlpi tatuamtek ah member ki hi thathong bek dom ngawl, panmunlen ki om niknek si ahikom in zong, Biakinn pattu ni hong ki sawn tatou si hi. Khaakbelh ciang in bangbang hikale, thiam taleang, thiambaw taleang, pi cing, pi cing ngawl ci te koi zaw in, Tuiphum ngeina tatak taw Pawlpi khat hong pian natu kipan kenkon tawng ci in ngaisutnate zui in US Siyin Baptist Church Pathian in US leitang tung ah hong omsak hi ci in ka ngaisun hi.

Biakinn hon paoi ni ah, Sizang Burmese Mission Church bek hi ngawl in Pawlpi tatuam ahi, Calvary Burmese Church, Gospel Baptist Church cite ah aki hel Sizang mi U le Nau tam mama in itna bulphu in ki hel, lawppui tek ahikom, thinnuam, thalawp huai mama hi. Biakpiak kikhopna sung ah, Syama Naomi Kam (Ngiakpui) in hun uk seam aa, Rev. Dr. Thuam Cin Khai in Lungdamna, muakna le thuzaaksakna nei hi. Washington DC Baptist Convention Associate Executive Director Rev. Dr. Robert Cochran in DC Baptist Convention pan hong muakna le kiappna thu ngetsakna hong nei hi. Sumpi apptu in Syama Awi khawm Huai in lampui aa, Church choir (Taanglai Pupate upna) sak zawk ciang in thuhilna Rev. Kip Thian Pau in hong nei hi. Thuhilna man zawk ciang Topa zanan neak khopna ki nei thei in hun te nuamtak kizo hi. Mihing hong pai se, Patang ulian akingawm 125 kiim bang pha hi. Ki khopna khan taw no pian ahikom khan dang khat ki la thua aa, tua khan sung ah Patang te ki koi hi.

Nidang ciang, pawlpimi atam babang zui in room khanno hi ngawl in kikhopna mun tatak (chapel) zaktu in ngealna te zong om khol zo hi. Tua chapel sung hi le, mi 300 bang ki ta tu aa, tuiphumna munh, piano, pulpit te acing in aomsa hi pai hi.

Pawlpi Senior Pastor tu in Rev. Kip Thian Pau hesuak ngen uh aa, ama aomna se, Maryland pan khuala mama (Seattle, Washington state ) hikale, saang ahikom lungdam huai mama aa, Topa vaihawmsakna hi. Tha 3 ciang khat vei hong pai tu in khensatna nei hi. Associate pastor tu in Rev. Dr. Thuam Cin Khai, Syama Naomi Kam (Ngiakpui), Syama Awi Khawm Huai te in tavuan la tu in khensatna nei hi. Sya Thuam se, New York state Syracuse khua ah teang zaw ahikom tha khat khatvei hong pai tu in khensatna nei hi. Syama Naomi Kam le Syama Awi Khawm Huai te zong Calvary Burmese Church ah full time member hibek dom ngawl, minister hi si aa, Evangelical department le Sunday School ah panmun lentek si uh ahikom, US Siyin Baptist Church se full time in lampui thei ngawl aa, part time in Sya Kip le Sya Thuam om ngawl nipi te ah, lampui tu in aki se ahihi.

Pawlpi lampui tu in EC te anuai abang in ki teal hi.

  • Chairman     –    Pa Tual Vum
  • V-Chairman – Pa Thang Khaw Thawng
  • Secretary   –  Pa Kam Khan Kimlai
  • Asst. Secretary  – Tg. Lian Suan Khai
  • Treasurer       –   Pa Kham Khan Do
  • Asst. Treasurer  – Pa Thang Tun
  • Auditor    –    Tg. Thang Za Hang

Biakpiak kikhopna man zawk ciang in pizza le soda (lunch) neak khopna kinei aa, Sizangmi U le Nau te ki it in, nui khawm in, khut kilen in hun te nuamtak zangh thei uh hi.

US Siyin Baptist Church se, mailam ah

  • Topa Jesu Pawlpi phut Pawlpi ahinatu
  • Topa Jesu Pawlpi lutang in anei thei natu
  • US le leitung munh tatuamah om Sizangmi U le nau theapo tung ah ahuai, auap pawlpi ahi natu
  • Kum sau khua ngei Topa in thupha pia in hong zaksak natu
  • Hi Pawlpi hu in Sizangmi te kilaklaw ah kiitna, kilemna hong pian natu
  • Topa Pathian in thupha hong piaksak tahen.

Pawlpi hon Ni Datpung Record Slidshow

This slideshow requires JavaScript.


Pawlpi hon Ni Rev. Kip Thian Pau thuhilna

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 46,726 phazo

A LUITE SIM/EN KIK TAWNG

Advertisements