Articles (Sizang Lai), Pr. Awi Khawm Huai

Na khangno lai nang hong piangsak Topa phawkin

By s/m Awi Khawm Huai

Khat khat sung mihing te nopsak bel leh makngil theingawl hun in i khangno lai hun ahi hi. Patang te in ka ngaknut ka tangval ciang ci aa, uhamte in ka khangno ka moilai ci-in lunggulh kik leh soncim ngawl bel in anei thu ahi hi.

Hi hunsung i sep i nuntak bangin i khangham teh ki at kik hi. Sontena, pilna zonhun i khangno hun lai pilna nusia in eima thi le sa nopsakbang i ngamta leh u hamcing kisik kikna piang aa, atuan in hong piangsak Pathian phawk ngawl i ukpo i ngamta leh i tu i tate dong in maizumna thuak bek domngawl, Topa min ki dai sak hi.

Lai thiangtho piancialna sung i etkik ciang Pathian in mihing suaktakna (freedom of choice) hong pia hi (Piancial 2:16,1:26.) Tua ahi le i ukbang ngamta thei na tuh hunpha hongpia hi tuh ziam? ci thu dokna lianpi khat hong om hi. Ahizong, adang khat ah , Pathian in AMA lim leh meal sunin hongvawt ci sea zong i phawk tuh kisam hi. Ama lim le meal sun i ci tak cinag bang ziam? Pathian in thiangthona , dikna, hoina, itna (Isai.57:15, 45:21, 63:9; Ephe. 2:4,1:6-7) te tawh ki dim hi. Hi bang ahithei tuh in hong ki piangsak ahi hi.

Nuamsa takin i khangno hun sung i ngamtat tuh Topa in hong dei aa, tua i ngamtatna zui in Pathin in thu hongkhen kik tuh zong teltak in hongson hi (Thuhilkikna 11:9). Pawlkhat te in lai thingtho nah na khangno lai in na ukpo sem in ci a himan ka ukpo ka ngamta tuh ci uh hi. Ahizong, ahehuai thukhat in na ngamtatna tawh kizui in Pathian in thu hong khenkik tuh ci sea mangil hi. Tu ni in, hi thu teltak in phawk aa nuntak pui in hi leng i khantawntung bek domngawl thi nung ah zong i nopsakna tuh thu ahi hi. Tu sea tuh in Pathian in hongdei hi.

Tua ahiman, I khangno hun lai nuamsa in hong piangsakpa phawk tawng. Hong piangsakpa phawk kawm in nuam asa khangno leh mi malkim khat tek i hi tuh Topa in thupha hong pia hen.

Note:  s/m Awi Khawm Huai  Blog pan aki lakik hi.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,194 phazo

A LUITE SIM/EN KIK TAWNG

Advertisements