Articles, Articles (Sizang Lai)

Kawlngam Tapidaw Biakna Hong Thetphitna

Kawlngam Tapidaw hong thet phit na ih et ciang sangmang Dr. Judson  hong thet na thu taw veu kipan hi. Tuiphum pawlpi thu ih son na hi aa, Baptist, Methodist, RC, AG pawlpi te pianma tawng aa, Tapidaw biakna hong theng ngei zo aa, Kawlngam thangsang bup ngangawn Tapidaw ki suak ngei zo hi.
AD 1287 kum in Tartar Sen te in Kawlngam Pagan khuapi hong simtham hi.  Sen te cia zawk ciangin Kyansitta kiphum na thankul tungah thinglamte le Tapidaw te ii thinglamte taw  a zak khop uh Greek laimal ci khawng te tam ma  a ki at na ki mu thei hi. Tua lai Sen kumpi a seam Kublaikhan  in Turkestan  te a zaw thal ciang, Nestorian Christian tam ma Sen ngalkap sung tum aa, Pagan hong sim na sungah hong kihel hi.  Tua thu sia tangthu kan te in Kawlngam sung Tapidaw hong thet maksak hun ci-in ki ciamte hi.
AD 1498 pan kipan Portugal te ei nisua na Asia sangah tuipi kantan in sumzuak sumlei  (Trading)  vawt tu paulap in hong pai hi.  AD 1510 khawng ciang Kawlngam sung zong Pathein, Thanlyin, Mataban, Bago khawng pan kipan Magway dong hong thengto hi.   A mate taw Tapidaw biakna zong hong theng khawm pai hi zaw hi. Tua hunlai in  Tapidaw upna tatuam piang vet ngawl lai ahihang tuhun biakpiak nate taw et kik ciang RC te ki ci nuam hi. Sumlei sumzuak in hong pai ahihang ngam awng mu le teang papai bek dom ngawl, ngalhiam vanh phate zangh zo ahiman hong sim aa, hong suan papai hi.
AD 1600 kiim khawng Philip de Britton in Thanlyin suan aa, tuak pan simh tato in Kawlngam thangsang bup uk ngei hi. Ngaldo sim in a thet na mun papo ah Phungyi  teng mot saksiat baanah Phungyi saang  te haltham siat hi. Khua mite theampo zawthawk vai taw Tapidaw suaksak siat hi. Kawl kumpi khat zong Tapidaw na suak aa, a min sia Nat Shin Naung kici Taungoo  kumpi pa hi. A tui Kiphum lai-in a min sia Tapidaw min John na ci hi. AD 1613 ciang Kawl kumpi te-in simh kik aa, zothal ahikom a lampui teng that siat hi. Portugal  numei patang le a nautaang mihing ( 5000) val bang Thanlyan  pam Mandalay, tuak pan Chindwin ngun le Muu ngun dong peang a hawl to aa,  tuak munah teang sak hi.  Hibangin Portugal ngamkeak te thunei na a thipcip kik bangma  Tapidaw biakna zong bo cip kik pai hi.
Tapidaw upna tatuam, biakna tatuam , Pawlpi tatuam hong pian zawk ciang zong mission tatuam ma kawlngam sungah  hong thetheng hi. RC te in Barnabite mission nasep na taw hong kipan aa, AD 1722 kum ciangin Pawlpi phut masa bel hi. 1813 kum ciang Baptist mission, 1825 kum in Anglican mission,  1876 kum ciang American Methodist  Church,  1883 kum in English Methodist Church cibang in adang zong khat zawk ciang khat hong tum hi.                 
Zop laitu —
Ref.  Buanman Biakinn honna, 2011
Note: Vung Bawipa ii email pan akila kik hi.
Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,486 other followers

Leangna hong haw

  • 45,578 phazo

A LUITE SIM/EN KIK TAWNG

Advertisements