Articles, Articles (Sizang Lai)

Pathian Kammal A Thupina

By Rev. D. Cin Za Dal

1. Pathian kammal sia Pathian deina le sepna a kilakna hi

Kammal le laimalte in khat ii I ngaisutna le a pau sia ii deina taw kizui in piang le a uuk khat sia kilanghsak hi. Pathian kammal sia Pathian deina a taangtungsak ahi hi. Pathian in vantung le leitung bitphua tu in ngaisun hikale kam taw a pualaak mateng in bangma a piang bua hi. “khuavak piang hen” J (Pian.1:3) a ci hun po ciang khuavak piang paih hi. Tabangin, a ci papo piang valian hi. Pathian ii pualaak khat papo sia a pualaak bang tatak | ma in piang hi. Pathian kammal sia sepna sung”alrthuneina nei a, ama dei khat papo kammal tungtawn taangtung hi. Vantung, leitung le nuntakna nei theampo piangsak a, tuate theampo a kammal taw keamcingin lamlak hi. Pathian kammal ngawl taw bangma a pian ngawl bangma kammal ngawl taw bangma zongh a om batu hi. (Ps.33:6; Heb.1:3)

2. Pathian Kammal sia Pathian ii mite a hilna hi

Pathian in simlei vantung le a sung pm na theampo piangsak hi. Pathian in ama sunin pa le numei piangsgk a, amate tungah kilaak a, hunzak tuzia lamlak hi. Piancil pan Thupualaakna dong kammal theampo sia Pathian ii minamte a hilna viye ahi hi’. (Pau.3:5-6)

3. Pathian Kammal sia Pathian ii Mihingte a paupuina hi

Topa in Joshua mun ah ci hi, “Tuni a ka sep tu sia in, nang sia mihing thupi khat hi a, Moses ka ompui  bangin nang zongh kong ompui hunlam Israel te in hong tel tu uh a hong upat vawt tu uh hi.” (Josuha 3:7) Nidang in Pathian paupuina direct in za uh a, a zaak uh kammalte in thuneina nei uh hi. Tuni ei zongh Lai Thiangtho tungtawn in Pathian paupuina kiza thei a, a deina kitel thei hi. Topa paupuina, na za ngei bale phatak in ngai ngei ngawl hizaw tu ni hi. Pathian in a tate paupui ngawlin om ngawl hi.

4. Pathian kammal sia Pathian humop taw lai in a ki at hi

“Moses in laibu khat sungah Pathian Thukhamte at a, khat zongh a kheek thaak ngawl natu in kidawm hi. A man zawkciang ama in Topa Thukham Thingkuang keamte ahi, Levi mi Thiampite tungah ih Pathian ii Thukham laibu sia la vun a, a mihingte langkhat ah tetti in a om top thei natu in Topa, na Pathian ii Thukham Thingkuang hui ah koi vun.” (Thuhilna 31:24-26). Sawltak Paul in, “Kammal theampo sia Pathian ii humop hi, (God breathed) ci hi. (2Tim3:16) Paul in, “Kammal theampo,” a ci sia, Piancil pan Thupualaakna dong kammal theampo Pathian humop a cina ahi hi. Paul in Lai Thiangtho at theampo Pathian humop ci ngawl a, Kammal theampo ci bek hi. Tasia bangma, Eden huan sungah Pathian ii mihing a piansakna ah, leivui panin a vawt mihing ii naak panin humop a, a nungta mihing hong suak hi. (Pian 2:.7) Pathian humop taw nuntakna nei pheang hi. Pathian in humop a Lai Thiangtho hong piang hi. Banghang ziam cile kamsaanna thute sia mihing deina taw hong pai hi ngawl a, ahihang Pathian kung pan hong pai thute a son ciangin, amate sia Thaa Thaingtho in uk hi. (2Pet.1:21)

5. Pathian kammal sia mi theampo atu in manpha hi

Laithiangtho sia a vekpi in Pathian humop ahi hi. Thumaan hil natu, tei natu, khialna pua natu, a maanin nuntak natu ih hil natu sung theampo atu in manpha hi. (2 Tim.3:16) Mihingte Pathian deisak bel ahi, ngupna nga natu, tapidaw nuntakna a maanin nuntak thei natu, thupha saan natu, pilna heakna nei natu, lam kilak natu le kihilna tu theampo atu in manpha hi. “Hi laibu a simte le a zuite in mihing hampha te ahi hi. Banghangziamciie hi thute hong tun tu hun hong nai zo hi.” (Thupualaakna 1:3)

LAITHIANGTHO PATHIAN KAMMAL II VAANGLETNA AHIBALE THUNEINA

Pathian deina (a) thinpuak sia Lai Thiangtho Pathian Kammal tungtawn in kitel thei hi. Pathian Kammal sia sepna sungah a thahat thunei ahi hi. Simlei, vantung, na theampo sia Pathian vaangletna taw kipiangsaka, kikeam hi.

1. Piansakna le kepcingna ah thunei hi

Pathian in piang hen, a ci bangin na theampo piang hi.(Pian.1:3;6-8) Topa in vantungte sia a thupiakna taw bitphua a, ni, tha le aksi te zongh a kammal taw piangsak hi. (Ps.33:6). Khuangei mama lai in, Pathian in thupia a, van le lei bitphua hi,.. Leitung sia tuisung pan le tui taw kipiangsak hi. (2 Pet.3:5), ahihang hi hun khakbel hunte ah a Tapa tungtawnin hong paupui hi,…(Heb.1:2-3)

2. Nuntak nuam natu thunei

American Medical kipawlnate ii laihawm khat sungah mihing khat ii nuntak sung anneak za a nuai a za hi, ci hi. Khui (150), vok 310, tuu 250, ak 2400, antang 12000 pounds, thingnga 25000 pounds le meenga meetee tarn mama ne a, bo sak hi. Mihing ii pumpi atu in hi bangza neak tu a kisamh takpi ma ahi hi. Lai Thiangtho sungah nuntakna nei theampo a piangsak Jesu Christ in zongh, “Mihingte in an bek taw a” nungta bua a, Pathian kam pan a pusuak thu taw (a) Kammal taw bek nungta hi, ci hi.”(Mt.4:4) Leitung vantung piangsak pa in mihing pumpi atu bek hi ngawlin thaa nuntak natu zongh Pathian kammal tungtawn ahi hi, ci hi. Mihing pumpi a nuntak thei natu in vui, tui le an kisamh hi. Mihing pumpi sia, dat nam (16) taw a kibitphua ahi hi. Ih pumpi sia oxygen le dat nam tatuam a kihel an taw nungta hi. Vui, tui le an om bale mihingte thi hi. Vui akua

in vawt ziam? Bangbangin bitphua ziam? Laithiangtho sungah 78% Nitrogen, 21%oxygen, le 1% argon a kihel tui sia piansak ni nii ni in Pathian Kammal taw a kibitphua ahi hi. (Gen. 1:6-7) Tatsat ngawl hi vahiat in vui ih diik sia le nuntakna tu tui sia zongh Pathian ii piansak hi a, a thongin hong zangh sak hi. Nganhingte le mihingte ii nuntak thei natu bulpi khat ahi, an sia a hing thingkung ahi, meenga meetee, taang, mim le thingnga panin kinga hi. A nungta te thahatna tu a kisamh glocose(C6 H12 06) sia a hing thingkungte pan kinga hi. Mihingte nganhingte in glocose te ne in nungta hi. Hi glocose sia tui le carbon dioxide panin hong piang ahi hi. Ahizong hi bang dat a kilaih natu sia (6H20+6C02- C6H1206+602) ni pan a kinga ni ii tha ngawl taw piang thei ngawl hi. Hi bang dat kilaih natu in, ni ii tha 673 Kilocalories (sia 40% visual light, 50% infrased light, le 10% ultra-violet light a kingawm) in a nga tu kisamh hi. Tua hi a, ni sia an pian natu a kisamhbel na khat ahi hi. Akua in ni piangsak ziam? Lai Thiangtho sungah, Pathian ii a kammal taw a piansak ahi hi. (Gen.1:14-19) Tuasia hu in, Jesu in,”Mihingte in an bek taw a nungta bua a, Pathian kam pan a pusuak kammal taw nungta hi,” ci hi. Jesu ci sia maan tatak hi. Pathian kammal sia nuntakna nei theampo ii nuntakna naakpi ahi hi.

3. Pianthak natu in thunei hi

Jesus Christ in, “Tui le thaa taw a suak kik ngawl peuma, kuama Pathian ngam sungah turn thei ngawl tu hi,” ci hi.(Jn.3:5) Jesu in thaa suak kikna thu son ahi hi. Pumpi suana bek a nei Necodemus tungah a son ahi hi. Tua hi a, hi sungah a kison tui sia, ih neak, ih zak tui sia ahi bua hi. Jesu in sontel a, a kuama po chi le sa taw a piangte sia chi le sa hi a, thaa taw a piangte in thaa ahi hi,” ci hi. (Jn.3:6) Hi mun ah a kison tui sia, chi le sa tui hi ngawl a, nuntakna tui, Pathian kammal a sonna ahi hi.(Jn.4:14) Tui taw thiansuana sia Pathian kammal ahi tui ahina kimu thei hi. (Eph.5:26; Jn.15:3; Jn.17:17;17:19)Tuahia, Mitampite in Pathian Kammal le Thaa thiangtho taw piangthak uh hi. Pathian kammal le Thaa thiangtho in mihingte pianthak sak natu thunei a, Pathian ukna ngam sungah turn sak hi. Tua hu in Jesu in, tui le thaa taw a suak kik ngawl peuma vantung ngam sungah a tum thei batu hi, ci hi.

4. Buaina vengsak

Atawntung in mihing nuntakna ah buaina om tan hi. Tua buaina te sungah, innkuan, cidamna, haksatna, thina, sum le paai, nasep, kiim le paam, ngamsung ngampua thu tutuamte kihel hi. Hi buaina te ii a phi sia, Lai Thiangtho sungah omsiat hi. Jesu Christ in, “Thumaan thutak na he tu a, tua thumaan thutak in hong suakta sak tu hi.(Jn.8:32) Tamvei tak, eite in, sum, minthanna, dinmun, tupna, nasep, kimaina, deina, nopsakna, ngualtam, innkuanpui, tate le nadang khat papo ii sal kisuak thei hi. Ahizong, Pathian kammal tungtawn in hite theampo te ii sila pan kisuakta thei hi. Lai Thiangtho in hite theampo pan suaktak natu a cingin hong lak hi. ( J o s . 1 : 8 ; M t . 6 : 3 1 – 3 4 ; P s . 3 7 : 3 – 7;Ps.23:1-6; Rom.8:28)

5. Nuntakna ii naak hi

Khuavak in khuazing bosak hi. Khuavak a omna ah khuazing a om bua hi. Khuavak le khuazing thakhat thu in a om khawm thei bua hi. Khuavak om ngawlna mun ah khuazing in zo hi. Khuazing sung ih omle, khua ih mu thei bua hi, ih omna zongh ih he bua hi, na khat le khat ih khentel thei bua hi, lampi ih mu thei bua a, lungmang in siatna ah kitheng thei hi. Khuazing sia siatna le thina ii lim ahi hi. Khuavak s ia heakna, ciimna, phatna, thianthona, nopsakna, thupha saanna le nuntakna lim ahi hi.(Ps. 119:105; Eph.5:8; Jn. 12:46)

6. Upna ii naak hi

Lai Thiangtho in, eite in hesuakna hangin, upna taw ngupna kinga hi, ci hi.(Eph.2:8) Hesuakna sia Pathian kung pan ahi hi. Upna koisung pan hi tu ziam? Upna sia Pathian kammal pan ahi hi. Tua hi a, upna sia zaakna pan hi a, zaakna sia Pathian kammal pan ahi hi. (Rom.10:17) Whycliffe Laithiangtho phente ii President lui ahi, Bernie May, vanleang a hawl lai a phulthak thu khat om hi. Nikhat engine nii a kithua vanlenag khat hawlin Dallas pan Houston Texas ah leang hi. Tua ni sia nguazu cip a, khuavet kimu thei ngawl hi. Lamlang khawng a thet ciangin, a engine langkhat kisia (lai) hi. Tasia ciang, Bernie in thakhat thu in Houston Control Tower ah thu zasak hi. Ama in a tuh pak thei natu mun khat ngen hi. Vanleang ukte in Montgomery vanleng tualpi ah a tuh thei natu thupisTii. Vanleang ukpa in, Bernie thupia a, na ziatsang ah 10 degree, na veisang ah 20 degree, khiin in a, tua zawkciang a nuai ah pi 40000 tuaksuh in ci sawl hi. Akizom in, pi 3000 tuaksuk in a, ziatsang ah 40 degree, veisang ah 30 degree khiin in ci kik hi. Bernie in bangma mu thei ngawl ahikom a kison bangin a sep tu bekma om hi. Ahi thei khat bek om a, tasia in upna khat bek hi. Bernie in a ukpa ii sawl bang bek a nit tu le a muan tu bekma ahi hi. A kison bang peal ngawlin a zui ciang, suakta takin tu thei hi. Ih suakta tatak nuam le Pathian kammal bang zui tu le up tu bekma ahi hi. (Rom.1:16-17;Acts11:14-15)

7. Tawntung nuntakna ii naak

Thina sia kuama in peal thei ngawl a, kihil khol ngawlin thakhat thu in hong theng thei hi. Thina sia ei atu in nai mama hi. Thi tu zongh haksa ngawl hi. Jesu Christ in keima in nuntakna le thaw kikna ka hi hi, ci hi. Kei hong um peuma a thi hangin a nungta tu hi. A kuama po kei hong um a, a nungta peuma a thi ngei batu hi. (Jn. 11:25-26; Jn 5:24) Hi thu na um ziam’? Hi kammal na upna tungtawn in nuntakna na nga tu a, thina na lau nawm batu hi.

8. Ze etna kantan zo sak hi

Ih khualhaw nuntak hun sungah, ngal cipha mama nam thum kinei hi. Tuate in, Satan, Leitung (the world), ci le sa deina (Lust) ahi hi. Hite zawzawk natu le ih do natu in a hatzaw tha ih nei kul hi. Tua tha in Pathian Kammal ahi hi. (Ps. 119:11, 133; Eph. 6:13-17; Un. 2:15-16)

9. Pilna le heakna ii naak hi

Pathian in mihing le na theampo piangsak hi. Pathian in na theampo he hi. Eite in Pathian ii a kiciangtan ngawl pilna te ih he zo bua hi. Eite in (IT) a saangbel hun sungah kinungta hi Hi pilna le heakna te koisung pan hojig piang ziam? Pathian ngawl taw mihing a pian thei ngawl bangma, mihing ngawl taw technology om thei ngawl hi. Tua hi a, pilna le heakna theampo sia, Pathian kung pan ahina kihe thei hi.(Pau.2:5-6; 9:10; dan.1:17; Col.2:2-3;2Pet. 3:18).

10. Thupha naak hi

Thupha sia nopsakna le kicinna hi a, tuate sungah cidamna, khantona, nopsakna, thinnopna, itna, nopna, zawna, ngammuanna, le ngupna te ahi hi. Thupha ii langkhat ah hamsiatna ahi hi. Lai Thiangtho bang ahile, thupha theampo le hamsiatna theampo sia Pathian le a kammal sungah a omsa ahi hi.(Deu.11:26-28; 30:19-20; Rom.1:3; 22:7;Ps.112; 1; 119:1-2)’. USA sia leitungbup ah a haubel le a hatbel ngam khat ahi hi. USA ngam a phu zawk sia kum (225) pha pheang hikale leitung ah thupha saangbel ngam khat suak hi. Banghang hi tu ziam? Ahang in, America a mu masa Pate le America mite in Jesus Christ sia ngumpa le Topa in um uh a, Lai Thiangtho sia Pathian kammal ci in um uh hi. America sangin a lianzaw ngam, leisung sumpiang a tamzaw ngam, mihing a tamzaw ngam, a haamzaw ngam le Christian ahi ngawl biakna dang ngam zongh om hikale, tuate sia America sangin zawng zaw lai hi. Akilamdanna khat bekma om a, tuasiain Lai Thiangtho tungtawnin a kiphut ngamkhat ahi hang hi. Tua hi a, Lai Thiangtho sia thupha theampo ii naak ahi hi. ” It is imposible to rightly govern the world without God and the Bible,” George Washington (1st President of USA) ” Education is useless without the Bible” Noah Webster(founder of Webster dictionary)

 “The Bible is the one supreme source of revelation of the meaning of life, the nature of God and spiritual nature and need of men. It is the only guide of life which really leads the spirit in the way of peace and salvation.” Woodrow Wilson (28th President of USA)

USA te ii dangka tang le sumdal theampo tungah “In God we Trust” ci kimu tek hi. America mi theampo in Lai Thiangtho Pathian sia um uh a, leitungte le biakna dangte pathiante a um bua uh hi. USA sia Lai Thiangtho tungah ngam foundation kiphut ci sia kimu hi. Ngam ii Pate in muna thakte ii nungsang ah a maan tawntung Pathian kammal om hi, ci thu tel uh hi. Akipat pan kipan USA ngam ki ukna le thuthun sia Lai Thiangtho bulphu uh hi. Tua hu in, siatnate om hikale Pathian in thupha pia a, leitung ah a haubel le a thahat bel suaksak hi.

(Taken From A Comprehensive Biblical Doctrine, by Henry Syn)

Rev. D. Cin Za Dal

Source: The Siyin Baptist vol 54

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,487 other followers

Leangna hong haw

  • 44,768 phazo

A LUITE SIM/EN KIK TAWNG

Advertisements