Articles, Articles (Sizang Lai)

Jerusalem Mission

Rev. Dr. Lam Cin Thang (ANTS)

Topa Jesu in, van a kaa maa in, a nungzuite mun ah, tungsang pan vangletna na nga zawk uh ciang, a nuai a bangin mission a sep natu in na vaitha hi. (E= Evangelism)

Jerusalem khua [E-0: minam kibang, biakna kibangte sung],

Judea ngam [E-1: minam kibang, biakna kibang ngawlte sung],

Samaria ngam [E-2: minam kinaihuai, biakna kibang ngawlte sung],

Leimong [E-3: minam kibang ngawl, ngeina le biakna kibang ngawlte sung] dongin ka tetti te na hi tu uh hi ci hi. Ih Jerusalem Mission ih ngaingon tha le maisang ah ih minam bupin ih kiamsuh seseam tu sia kimu khol zo hi. Ih Jerusalem Mission nasep tute pawlkhat pan:

1. Thaa Thu ah Mission Sepna
Tuhun le a tawntung atu a thupi be| thu sia thaa thu hi. Topa Jesu in mihing khat in leitung bup a nei hial zonghin a thaa nuntakna sumh le bang taw theak kik thei tu ziam ci hi. Nidang in Sizang sungah SRTE (Siyin Region Total Evangelization), DOC (Days of Challenge), le Patangte sungah ngupna thusonna (Child Evangelism) ci bangin na kiseam a, ngupna saang thei sia kumsim in kibelap hi. 2008 kum in, SRTE sia “Gospel Olympic”min taw a kivawt le, khangno 500 val hong pai hi: Taungdwin chaung le Tamu ngam sungah mission na kiseam a, Kawlte zongh a khomkhat ma kinga hi. Tuhun ciang, Kawlte ih bangkua tatak ma ah mission hong seam zaw pumsai hi. Khaikam khua (Kalay College) le Mualpi (Theizang) ah ih .tanote sangkaa natu sanginn hong hong hi ci hi. Kawlpi le Valung zongh ah Kawlte biakna sang tarn mama kihong a, ei Zomite tarn mama kikaa hi. [Tunung Buante ngaknu khat Kawlpi Phonegyi sang ah na kaa a, ih missionary Sya Hmat Po tungtawnin hong piangthak hi. Ama zongh ANTS sangah kong kaa nuam a cile, a thuneite in BA [English] na on dong om zi in ci in khak hi…. ama bang, Zomite kitam mama hi hong ci hi..] Ih tanote sia, Kawlte biakna sangte ah kaa nuam phot ngawl het tha tu hi. A nute a pate in zongh kaa sak nuam tu ka um bua hi. Ih nuntakna haksa lei lalawm ahikom, Kumsim ma YSBC ah SRBA, E&M Department pan E&M Director pa le GS pate sum hong khon hi. Kumsim ma Thein 12 kiim kipia hi. SRBA pawlpi theampo panin kikhon si hi. Tapidaw pawl tatuamte sung pan zong khon leang hong pia thada ngawl het tu hi. Hi sumte sangkaa zo ngawlin nikteen puansil anneak tuidawn a nei ngawl manin, Kawl biakna sungah a tumte hong kilee kik natu in zangh leang pha ngawl tu ziam? Thaa khat ii manh sia leitung bup in lei zo ngawl ci sia ih heak tek hi. Yangon, Thakayta zongh ah mual tungmi Tapidaw tarn mama Kawl biakna sungah sang kikaa sak hi. Minam dangte atu bangma ih seam zo balai zonghin ih Sizang mipuite tu bangin koi thong ngam tu hi ziam? Leko’ai in en hithiat thong tu hi ziam? Tu mama in kikum tawng… nasep kipan tawng.

2. Pilna Sinna ah Mission Sepna
BEHS Thuklai sia, Sizangte atu Pathian letsong theampo sung pan a thupibel khat hi ci leang kikhial ngawl tha tu hi. Ih sang om bathong le, a tamzawte sia lotho in ngual kuli a seam tute kihi lei hi. Hi sang hangin, lai atno, sangsya pan kipan ngam uk ulian zongh tarn mama kisuak hi. Ulian a tarn zawte, Yangon le Kawlzaang suh tengah kiteang a, ih khua ih tui sia kivaan zo nawn ngawl hi. Ih khanto vaial ciang, ih sanginn ah ih tate kikaa sak nawn ngawl a, Kawl ngam sung sang pha a kicite ah kikaa sak hi. Tuasia ciang Thuklai sang sia bang suak ci zongh kihe nawn ngawl hi. Ih khuakiimte zongh sang hong nga hon ciang le lai ong a tawm mama ciang mundang pan zong kuama hong kaa nuam nawn ngawl hi. Tunai ciang, Yangon le tuipi ngal khat a teang suapuite hong hanciam hon a, tan 10 te lai ong a tarn thei natu sum le paai kikum in kihanciam hi. A Syate zongh thapiakna tatuam kinei a, lai ong zongh hong tarn vaial hi. Thuklai sang ah a kaa ngei ulian suak le sum nei kakawm zongh ki om lei ahi ciang, leitung bup Sizang kipawlna panin ih hi thei za tek taw na ih sep khop tu thupi mama hi. Tu a teng bek taw lungkim ngawl a, maisang ah bangbang khangto thei lai tu ci sia vaihawm vadiam tu thupi mama tu hi. Tuipi ngal khat a om Khalkha (Hakha) te in Khalkha khua, kumpi sang atu le Chin Christian College [CCC] kici Lai thiangtho sang atu nasia takin hu hon hi. Falam te in sangpatangte atu scholarship khawng zong, kumsim a nga thei tu in a thisate min taw pia uh hi. Sonteena: U Za Hre Lian min taw a innkuanpuite in Laithiangtho sang patangte a pil a zawngte huna pia hi. Minam pawlkhatte in sangpatangte le syate atu fund zon sak a, kumsim lai ong a tarn thethei natu a seam zongh om hi. Sizangte lampuina taw ih neisun Laithiangtho sang ANTS atu in, USA a om Sizang Burmese Mission Church le Australia a om Perth Siyin Baptist Church te in thasim huna hong kipia hi. Misim ii hanciamna taw huna hong kipiate sia, kum khat atu hong piak zawk hang, a kum kik atu haksa veve thei hi tana, kipawlna taw piak sia ma kip bel hi.

3. Cidam natu Missiona Sepna
Tuhun ciang, ih Kawlngam zawnna taw kizui in, cidamna sang zongah kikiam mama hi. Sum ih nei bua ahile, kibawl zawk natu thu om nawn ngawl hi. Natna kihe nginge ahihang, kibawl zo ngawlin, ih thi tu ni bekma a ngak zongh kitam mama hi. pilna nga thei pole, a anneak tawm tu nga pole, pha zo kici hi tu ka um hi. Kawl ngam pan zong sum le paai a cithei zawhiatte in, Yangon bek hi ngawlin, Thailand. Malaysia le Singapore khawng dongah kibawl thei ahihang, a zawngte atu sia ih kibawl tu ol mama ngawl hi. A tuanin Khamtung ah a teang laite atu in ih kibawl natu sia mualmong et bang hi zo thnng hi. Nidangin Thuklai ah Rural Health Centre kinei a, nuam kisa mama hi. Tua zawkciang, lupna 16 zato khat kinei leleau a, hampha kisa mama hika leang, Doctor te kuama hong om zo ngawl hi. Ih cinat ciang, ngalkap sung pan cina bawl ngei pension lasate le “yankuh” te kisuang thong hi. Tuate ngangawn kicing zo ngawl ahikom, ih nat ciang kicimaw mama hi. Tua hi a, cina bawl theite ih pumsaap zawk natu ngam omte ii a vaihawmnate eima san tek pan ih panpui tek tu. sia thupi mama hi. Lai Thiangtho sungah a pumzaw khat a lawm mihing 4 ii Topa Jesu kungah a puak uh bangma, ei zongh ih cinate dam natu Pathian mizakte ih hi natu a thakin ki aap tek tawng.

4. Khanto natu Mission Sepna
Ngamdang a theng ih Khamtung mipuite in eaktee topha bangin mundang ah a puapial zo ngawl a mipuite sia, nasia tatak in en kik uh hi. Khalkhate in Khalkha khua nasia tatakin puua hi. USA, Australia theng sate in Khalkha khua ah inn khat peuma a nei zawk natu hanciam hi ci hi. Khalkha khua ah zato le inn tatuam sakna ah kihel tek hi. Minam paw! khatte in, a minamte atu in tha khat $ tuaza ci bangin kikhon vadiam a, mihing khat nguak ii piak sia a tarn ngawl hang, a vekpi a kingawm ciang a minam atu phattuamna vawt zo mama hi tuak hi. Ei Sizangte sia nidangin a kihu vadiamte ci in minpha kinga ngei hi. Tu pan kipan kipawl khopna nei in ih minam atu seam kik leang kihai lei ngawl lai hi. Shwe Siyin huan sia acre khat ciang K. 70,000 taw ih lei sia tuhun ciang kum khat a saap bek zongh a leitangh manza sangin tarn zaw kinga hi. Thingkung khat suan vangiat leang tawmvei sung sum kinga hi. Thing namtui bang suat* zo thong leang, kum tawm veino sung a kihau tu hi tanghial hi. Ahizong, sep phot natu a sumzung {capital) mama zongh kinei ngawl hi. Ih haksat hun ciang ih sumpuk thei natu kipawlna khat YSBC pan kinei ahihang, kuama in tha kipia zo ngawl hi. Ngamdang thengsate le ngamsung a teang a husang thei zawhiatte taw thu min tatakin kikum leang a, ih minam atu na lianpi seam leang pha ngawl tu ziam? Ih kumpite zongh in a zawngte khanto natu tu laitak nasia tatakin kikum lei hi ngawl ziam? Ih nuntakna haksat mama manin ngamdang ih tai sia, inntote atu phattuamna vawt natu hi tahen. Maisang ah ih lotual sung, nuam tatakin ih nuntak thei natu pilna neite le khuamu zawhiatte in ngaisun ngawl tu hi ziam? Japan, Korea le Singapore te sia leisung sumpiang (natural resource) bangma nei ngawl hikale, a mihing (resource person) te taktai ahikom, ngam khangto belte suak lei hi. Kawlngam bang, leisung sum piang a hau mama hang a mihingte nguatngat ngawl ahikom, kikiamsuh van’geu bek hi. Ih minam sungah mihing taktai tarn mama resource persons tarn mama hong piang a, ih minam bup ngual baante ih sua thei natu Topa tungah thungen in ki aap tek tawng.

Source: The Siyin Baptist Vol 54

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,486 other followers

Leangna hong haw

  • 45,578 phazo

A LUITE SIM/EN KIK TAWNG

Advertisements