Pa Thuk Kim in Kawl ngam, Tahan pan in leitung hong nusia ahikom, November 18 nitak nai 8:00 PM pawl khawng Pa Khai Khan Dal (Dalsan) innkuan omna Elkridge, Maryland ah, USSBC pawlpi in pawlpi min taw topui in biakpiak kikhopna khat vawt pui hi.
USSBC pawlpi mi te bek hi ngawl in SBMC, Zo Church, ZCCC le pawlpi tatuam pan Pa Thuk Kim a it, suapui U le nau tam mama zong kikhopna sung ah hong kihel thei hi. Biakpiak kikhopna sung ah, Sya Hlian Doe in hunzeak seam aa, Pa Thuk Kim thu phawk kikna thusonna ah, Pa Dong Khan Khup, Sya Hlian Doe, Pa Ngin Khan Khai, Nu Dim Khan Niang le Nu Cingh Za Huai te in thusonna nei hi. Inn teak te atu thungetna ah Zo Church USA chairman ahi, Pa Kai Lien Khup in hong lampui hi. USSBC pastor Rev. Kip Thian Pau in hanthotna hong nei zawk ciang, ZCCC pastor Rev. Lian Khan Kap in tawp natu thu ngetna hong nei aa, hun te nuamtak kizangh thei hi.
SBMC pawlpi in zong Saturday (November 19) nitak topui tu ci in kiza hi.
Siyin Chin Baptist Church 
Discussion
No comments yet.