Articles, Articles (Sizang Lai)

2011 USSBC Christmas

Topa hesuakna taw USSBC Christmas a 2 veina Pa Ngo Dal te inn, Virginia ah kivawt thei aa, Sizang mi O le nau 50 kiim bang kihel thei hi. A khat veina Christmas zong ning kum Pa Ngo Dal inn ma kivawt hi. 2010 Christmas hun lai in USSBC pawlpi official tatak in kipan ngawl lai ahihang, USSBC member suak tu teng ii hanciamna taw akivawt ahikom, 2010 Christmas sia USSBC ii, a khat veina lungdam vawt poai ci in kiciamte hi.

2011 lungdam vawt sia, December 25 nitak nai 4 pawl khawng pan in kipapan aa, nai 6 bang ciang mi cing pheang hi. USSBC pawlpi panbek hi ngawl in, Calvary Burmese Church le SBMC pawlpi pan zong Sizang mi O le nau te zong hong kihel thei hi. An neak tu sia inn tek pan pot luck kikeng hi. Hi lungdam vawt poai sia anuai abang in kivawt hi.

Hun uk – Sya Hlian Doe
Patna thunget – Rev. Tuang Nang
Inn teak thu zaaksakna – Pa Ngo Dal
Pawlpi thu zaaksakna – Upa Tual Vum
Akicing thu ngetna – Sm. Ngiak Ngo Neam
Sumpi app – Sm. Awi Khawm Huai
Hanthotna – Rev. Kip Thian Pau
Thupha piakna – Rev. Kip Thian Pau.

Nu Zam Khan Man (w/o Pa Tun Khat Pau) sua ni muak poai zong kivawt thei aa, Sya Kip in thu ngetna neisak hi.

Kikhopna man zawk ciang, patangte letsong piakna om aa, patangte lawm thei mama hi. Tua zawk ciang uliante letsong in pan hong puak tek uh teng kitheakna vawt hi. Mee taw 2 ciang kop khat veu in teal aa, ih kop pui pa/nu tungah ih Nute thu tek son ate, ih koppui nu/pa in eima son babang mipi tungah son sak kik hi. Tua zawk ciang ih koppui nu/pa taw letsong ih nga vave ki theak sak hi. Atam zaw in a nui zaak huai thathei tu in phuak tawm veu kison sak aa, a man dongma nui vanawk siat hi. Letsong piak taw kisai in Cing Cing, Mansen, Niang le Nuam Nuam te in hong lampui hi.

Nitak nai 8 kiim khawng ciang in hun te kiman sak aa, nuam sa tek mama hi. Datpung a cing zaw in en nuam po PICASA  web album ah kien thei hi.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,193 phazo

A LUITE SIM/EN KIK TAWNG

Advertisements