Articles (Sizang Lai), Rev. Dr. Lam Cin Thang

2011 Kum A Tu Tetti Panna

By Sya Lam, ANTS syapipa

Tukum sia, ko innkuan atu, suangval khuazing bangin haksatna ka thuak kum le Pathian thupha ka saan bel kum, Pathian nalamdang sepna a nasia bel ka mu kum khat a hinate hangin, “Atawntungin TOPA pha hi” ci sia tetti ka pang hi.

1. Ka Zi ii Cancer Natna Kibawlna le A Dam Kikna
Ka zi masa Dimtaknu in tawmvei bekma hong na bingbung a, cancer natna taw 2005 kumin hong nusia hi. Ko innkuan atu in, khuazing mama kum hi. Ciang, ka innkuan sungah ka ompui tu ka tanute nii sia Australia theng hi. Amate zongh hong cia kik paih tu la hi ngawl a, kei nguak ka om tu sia suak thei sa ngawl uh ahikom, ka zi nei kik tu sia amate mama in hong hanthawn uh hi.

Tua hi a, 2008 kum July 26 ni Kaangpui taw ka kiteang uh hi. A ngei ngawlin a U Ciang Pau in hong nusia si, Kaangpui zongh naungil hong om lei napi, tha 6 ciang hong tol si tana, ka khuangaina uh hong kibelap leleau hi. Nau ih nei ngawl sia, Topa in Kawlngam sung ngupna thusonna ah ih kithol thei tu hong deisakna hi ci in ka lung uh kim veve hi. Shan ngam, Kachin ngam, Paletwa, Mogok khawngah khualhaw khawm thei a, nuam ka sak mama laitak, naubu cancer natna hong nga leleau hi. April 29 ni Numeite Zatopi [Duffenn] ah ka ki at uh hi. A at Dr. nu in a natna sia nasia zo thong ahiciang phatak ih bawl kul tu hong ci hi. Cancer za, chemo sia 6 vei kikhum tu hong ci a, a za man sia K 50,000 [India] pan 750,000 [Australia] ciang om hi hong ci hi. Sum nei ngawl ih hihang, dam nuam ih hi ciang, Pathian muanna taw, a manham bel sia ma ih khum tu ci in ka vaihawm uh hi. Khatvei chemo za ka khum uh ciang, K 1,000,000 (Thein 10) kiim bo a, operation taw simleang 7 vei atu in, K 7,000,000 (them 70) bo tu ahiciang, ci in 50th Street, Botataung inn sia K 100 lakh (thein zakhat) taw ka zuak uh hi. Pathian naseam khat a zi bawl natu a inn zuak ci sia, Satan zongh lungdam lei vak ci in inn man teng Topa ka pia siat uh hi. Topa ka muan uh bangma, Ama in a bo theampo hong sik takpi hi. Khatvei za ka kikhum ma, sum nga mama ngawl sia, patau pianin ka om uh laitak, Manpi India a sangkaa lai a tanpuite khat film star (yuksian mintami) suak a, tua nu in US $ 4000 na na thak hi. Khatvei ma sum nga natu hong piang mama ngawl sia, Korea ka lawmte in ka nat uh khat in hong son ci in $ 1000 hong thak leleau hi. Leitungbup pan sum hong kithak kheukho a, leiba ngawl hetin, kibawlna ka man thei uh hi. Tu in, hong bawl Pa Pathian ma in hong damsak zo a, nidang bangma in naseam kik zo ahikom, ih Pathian sia, ih Pa takpi a hina le a nungta a hina tetti ka pang hi.

2. Ka Mittang Khuamu Ngawlna le Ka Kibawlna
Ka mittang sia, 2011 kum, ANTS sangte Graduation ni [March 6] phatak ma zangh thei vaset lai napi, a zing khawng ciang, lai mama ka sim thei nawn bua hi. Ka mit sungah ka khuamuna a nawngkai sak thei na tam ma om vanau hi. Mit Doctorte 3 khawng le Neuro Doctorte 2 taw ka kilak hi. Phatuam thei mama ngawl a, Mindat, Phakant, Kyaingtone khawngah ngupna thusinna ka piak ciang, lai en ngawlin ka hil hong kul hi. Amate in a en ngawl thathongma hong sa a, thiam hong sa mama bilbel hi. A khakbel American Vision ah Doctor a thiambelpa kungah ka kilak le, scan hong zaih sak hi. A scan sia a et po ciang, ka mit sungah a vang khat om a, Kawl ngam pan haksa tu hong ci hi. Kivawt thei teei ahihang, aa-mah-khan om ngawl pha kik thei, tawcip thei hong ci thong hi. Doctor pa in, “Na mit veisang pha nawn ngawl a, hi na mit ziatsang sia tawcip lalai thong le, na nuntak man om ngawl tu ahiciang hi bangma om lel lete pha zaw tu hi,” hong ci vangeu hi.

Perth, Western Australia

Australia ah om ka tanute ngealin hong thinbot mama a, ka kibawl natu hong hanciam uh hi. Ka kibawl natu a kat uh ciang, Doctorte in, a tawmbel kum khat peuma khaamkhol (booking) kul tu hong ci hi. Manpi (Man Suan Huai) pasal nei ciang pai tu ka hi ciang, tua sungah ki at thei leng a lembel tu suak hi. Amate unau in haksa mama ci a heak ciang, Manpi ii topasal le tonupi tute taw hong vaihawm uh hi. Amate sia lawm le ngual hau mama ahikom Eye specialist khat a kuailaw le, tuapa in University pan Dr. Alex Tan (Eye Specialist – Professor) na kuailaw sawn hi. Ciang, tua pa in a khei [surgery] thiam mama in a minthang Dr. Dimitri a cisia, na kuailaw leleau hi Kei sia, Pathian naseam khat hi a, sum bangma nei ngawl a ciciang in, a khei tupa in sum pya khat zongh hong la ngawl hi. Ka kikhei natu zato sia “St. John of God Hospital” hi a, RCte nei zato pha mama khat hi. Kikhei natu OT (Operation Theater) sia manham mama a, kilungmang mama kawm pan, RC zatote in zongh a thongin hong zangh sak leleau hi. Hithusia, Manpi topasal le tonupite bek hi ngawlin a kuama po in lamdangsa mama hi. Ngamdang mi khat hi bang a, booking kul ngawl le, a thongin kikhei ci sia, om ngei ngawl hi, nangma a masa ciil hi tu ni hi hong ci uh hi. Sum bangza tatak bo tu ziam ci zongh dongh ngam ngawl khu hi. Dimtak car parking man $ 11 bebekma ka bo uh hi. Ka nau (Pa En Za Pum) zongh zato ah naseam khat hi a, ama sepna zato mama ah a naak kikhei tu sia, kum khat booking ka vawtkhol ci hi. Medicare zongh nei ahihang sum tam mama ka bo thua lai ci hi. Perth, Chin Christian Churchte pastor Rev. James Tin Kung in, ka tapa a peang liam a, zato ka lup uh zongh $ 50,000 [thein 500] bo ci leang, mit sia tam seseam bo tu ve hong ci hi. Kawlngam pan lasa thiam Tun Tun Perth ah a pai lai, a ngilna in zato ah a kikhei le $ 80,000 bo ci si hi. Tua hi tana kei mit kibawlna sia Pathian nalamdang sepna tatak hi hong ci hi. Pastor Zaw Win (Hangpipa) zongh Perth a thet sawng, PR (Permanent Residency) ngasa Sya Hang Za Pum taw zato ah a pai le, a natna kibang linlian sia, Sya Pum $ 300 bek la a, ama sia $ 6000 hong la hi ci (a za 20 kisamh). Tusia, ka mit zongh khua kimu thei kik zo a, lai zongh ka sim kik thei zo hi.

Alamdang mama kaan lai thu khat sia, ka mit kikhei natu hong vaihawm sak le hong khei Dr. Alex Tan le Dr Dimitri te ngeal Yangon ah kong haw tu hi hong ci hi (January le March, 2012). Mittang Dr. te in ka mit bawlna tu huvau, hi bang mittang a hawng [macular hole] te sia, ngamnote ci thada, Australia zongh ah bawl natu a haksa mama nam khat hi ci in at hi. Hi bang a, ko nupa suangval vui le ngua ii hong nuai sia, Pathian in Ama minthan natu vinghvengh in a piansak a hina ka nung phawksaan uh a, ka he ka kaana uh te maitaina taw hong kilaih sak hi.

3. 2011 Kum Pathian Nasepna
2011 kum sia, ka buai bel kum uh hikale, Pathian nasepna ah a tangzai tatak le a muibun tatak in
hong zak kum khat hi si hi.

  1. Perth Siyin Baptist Church – PSBC [New Year] Jan 1
  2. PSBC Nipi Ni 1:00 PM Jan 2
  3. Australia Burmese Christian Fellowship-ABCF 4:00 PM Jan 2
  4. ABCF 7:00 PM – Kumthak Muakna. Jan. 3
  5. PSBC Ngupna Thusinna Jan 4-6
  6. PSBC Tuikiphum tute thusinna Jan 7
  7. ABCF Drill Hall (1:00-12:00) January 9
  8. PSBC [2:00 pm] January 9
  9. ABCF [7:00 pm] January 9
  10. 1st PSBC, Summer Camp- Leschenaultia Lake Jan 11-13
  11. 16th ABCF Summer Camp – Busselton Beach Jan 15-19
  12. Siyin Organization of Malaysia (SOM), KualaLumpur, Feb 3-5
  13. Kuala Lumpur-SOM Church- Worship & Wedding Feb 6
  14. 7th ANTS Graduation – cum- Tin Jubilee March 6
  15. Mindat, S. Chin State-Ngupna Thusinna March 15-18
  16. SengTawng, Phakant, Kachin State Ngupna Thusinna April 4-7
  17. Geis Memorial Baptist Church, Myitkyina 09:00 April 10
  18. Chin Baptist Church, Myitkyina 10:30 April 10
  19. YSBC Summer Youth Camp, April 13-16
  20. Kyaingtong, Eastern Shan State, Lahute Ngupna Thusinna May 3-7
  21. ANTS Days of Challenge, June 6-9
  22. Taunggo, Kekho, Keba Baptist Church Judson Sunday, July 10
  23. ANTS Mission Emphasis (with Dr. Cory Gonyo, USA) Aug 5-6
  24. MBC, E & M 40-Day-Training, HOLTI, August 8-12
  25. Perth, Myanmar Baptist Church (1:00 – 3:00 PM) August 28
  26. Perth, Australia Burmese Christian Church (3:30 – 5:30 PM) August 28
  27. Perth Siyin Baptist Church, September 4
  28. Western Australia Chin Christian Church (2:00-4:00 PM) September 25
  29. Perth Siyin Baptist Church. September 25
  30. Gethsemane Baptist Church, North Dagon (Nilang) October 8
  31. YSBC Day of Mission Emphasis, October 16
  32. Buanman, 15th SRTE Camp, October 21-23
  33. Kyauk Phyu (Rakhaing State) October 29-31
  34. Maung Shin (Rakhaing State) November 1-3
  35. Kyauk Moe (Rakhaing State) November 4
  36. Phla Kyah (Rakhaing State) November 5-7
  37. Maye Pone (Rakhaing State) November 8
  38. ANTS Deeper Life Convention (with Open Doors) Nov 26-28
  39. YSBC Joy to the World Crusade (Thusinna le Thuh hilna) Dec 1
  40. ShweSiyin Kawlte [Christmas Crusade-New Year] Dec 27-30

Geiss Baptist Church at Myitkyina

Paul in, Rome Laithak sungah, ngimna lian hangin thuakzok hatna piang a, tua thuakzok hatna hangin ngamtatna pha, ngamattna pha hangin lam etna piang sak hi. Hi lametna hangin ih nuntakna khiakna hong nei a, kiim le paam bangza po thinkiam huai kale a lungdam tawntungte kihi hi.

____________________

Heaktu: The Siyin Baptist sungpan akilakik hi.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 46,912 phazo

A LUITE SIM/EN KIK TAWNG

Advertisements