Articles (Sizang Lai)

Leitung Bo Kuan Thu

A lian Babylon a kici nganhing sia hong khakhang zo ziam?

“Tua munah numei khat sia, a pumpi tung theampo dim in, Pathian zawnsakna min a ki-at nganhing san khat ii tungah a to ka mu hi, tua nganhing in lutang sali le kii sawm nei hi.. A talki tungah … ‘Leitungbup a numei pumpi kizuakte le zum mawk ngamtatna neite ii nu, A lian Babylon kici hi. Taciangin numei nu sia Pathian mite chisan le Jesu tungah a thumaan hu in a kithatte chisan sia zukham bangin a kham ka mu hi” (Tpl 17:3,6)

Babylon sia Noah ii tu selawn ‘Nimrod ii Pathian a dem nop hang a, a piang khuapi hi. Tua hun in, Nimrod sia Ni pathian kici a, a zi Semiramis sia “Vantung kumpinu” ci a, a tapa Tummuz sia “messiah” ci zo uh hi. Kumpi sali (lutang sali) sia. Nimrod ii kumpi ngam Assyria pan kipan a, Anti Christ ii ngam sawm kipawlna kumpi ngam taw tawp tu hi.

Tua ngam sawm kipawlna kumpi ngam pian natu liim sia, tuma kum 30 lai pan Europe ngam kipawlna in, a liim hong lalak zo hi. Tu zongin, Europe ngam kipawlna (EU) sia, muibun sa ngawl uh a, Europe ngam Kingawmna (United States of Europe) ci in laih tu le, mipil sum vaai a thiam khatin, lampui sak tu, ci in ngaisutna nei uh hi.”

Amate in, leitung kilemna a om natu in, biakna nam tatuamteng kingawmin, a kilem thei tu kisam hi, ci uh hi.

Parliament of the World's Religion (Click on photo to read detail)

Leitung Biakna Kikhoppi (The World Parliament of Religions) khat nei uh a, 1993 kumin Chicago ah a kikhopna sungah, ‘”Kumzalom 21 sungah Christiante hun bo tu hi” ci uh hi. Kum 2000 kum ciang, “Leitungah Biakna Khatbek” ki-om sak tu hi, ci uh hi.

1995 kum in, Russia president Gorbachev in lampui a, San Francisco ah “Nuntak zia Thak” (New Civilization) ci in, leitung mipil tatuamte le Biakna Thak (New Age) tatuamte kingawmna khat phuan uh hi. Amate tupna sia, leitung vaaite le Pathian kihel ngawl Biakna kingawmtuana khat piansak tu ahi hi.Tuak sungah thu sonte in, Christiante upna sia, kilalcipsak zo a, muat zo a, thaa nei nawn ngawl hi. “Khatbek Pathian” upna sia, ei atu hi nawnngawl hi, ci uh hi.

1997 kumin California ah, Christiante, Buddhistte, Muslimte, Hindute, Sikhte Jewste, Baha’ite kikhawm tua hon a, “Biakna Kingawmtuana” (The United Religion) a ci khat zong phuan uh hi. Muslimte le Christiante kipawlkhopna (Chrislam) khat zong om hi.

Tu hun ciang, Christian ahi hu a, a kithat sia kumsimin 160000 bang bang pha hi, kici hi.

Ahihang, Pathian nasepna ii a lamdan zia sia. Christian a kingaimaw belna Afghanistan le Nepal ngamah Tapidaw thu ummi sia, nasiatakin khang hi.

Hi hunte atu in, Lai Thiangtho in, “Thaa in thiangtho takin, a sonna pan, hun khaksang ciangin mihing pawlkhat in a upna ah nusia tu uh hi; amate in leeilot thaate thu ni tu a, doaite hilna zui tu hi ” (1 Tim 4:1) ci hi.

Hun hong nai zo a, Pathian Kammalte hong tutung zo ahiciang ih upna le ih zuihna takkha sak va-ial tawng.

Ref: Maranatha Hope of Glory

____________________

Heaktu: YSBC Men Fellowshipte ii vawt Thupha Daitui Vol. 6, No. 2 (February 5, 2012) akila kik hi.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 46,912 phazo

A LUITE SIM/EN KIK TAWNG

Advertisements