Rev. Kip Thian Pau, Video in Siyin

Jesu Ii Mihing 5000 An Avakna

  1. Mihing tena nalamdang avawt te mu nuam in Jesus zui
    Jesus sia Galilee tuili (Tiberias) kan tana apa nasep asep kum thumna hi aa, cina dam sakna taw nalamdang asepte hang in mipite in anung zui vanuau uh hi. Anung a zui vanuau te sia Jesus sia Mesiah hi, ngum pa hi ci azui zong hi meal ngaw in nalamdang avawt te lunglut manpo azui lialua daan hi tuak hi.
  2. Mipi tul nga an vaak tu sia thu ol hi ngawl
    Philip mun ah hi mihonte an ih vaak natu in, an koisung pan kilei thei tu ziam? ci in kidong sak hi. Mipite thu  lamdang khat alak nopna hi bek a, Philip a muan hu adok hi ngawl hi. Philip sia a upna bangza lian ziam ci aheak nopna hi. Philip zong na tuat pai vanang, amate tua lai hun ah sum 200 bang kul tu hi ci in Jesus mun ah son kik hi. Tua hun laitak sum pheak khat sia pasal khat in nikhat athalaw ahi hi. Tuahikom sum pheak zani sia tam mama hi.
  3. Andrew zong om thei nawnngawl
    Peter ih nau Andrew zong na Jesus le Philipte aki paupuina azaak te om thei nawn ngawl in, mihonpi sung akua bang na an nei tu ziam ci in dong kakoai hi. Patang no khat tung pan tanghu nga le ngasa tawn ni anei hun lam Jesus kung ah son pai hi.
  4. Jesus na lungdam ko na nei.
    Jesus in mihonpite lopa tung ah to sak phot aa lungdam kona a nei zawk ciang anungzuite hawm sak hi. Jesus na Topa tungah lungdam kona nei in hileang Topa na khangsak thei/pawm sak thei/kicing sak thei ahi hunlam mihonpi te he le a oaina ahi hi. Upa te ahawm sak vateal zong sia ama bek na seam ngawl ah upate zong na Pathian nasepna ah amate hi theina pan kihel le a oaina hi.Upate zong na amate sep thei teng seam tu aa, amate sep thei ngawl teng sia Jesus sep tu ahi hun lam zong he le oai hi. Ta bang ah thu kim vadiam ah hong hawm uh ciang an hawm te mipite atu akicing nitaak an hong piang hi.
  5. Jesus na an pakvawt tu dei ngawl
    Jesus na an pakvawt tu dei ngawl ahikom akham vaal teng tawm sak a, atop uh ciang akham val bawm 12 hong pha hi. Na khat papo a vaal thong ah koi ngawl aa, pamai sakna ciliapna tu ahilna zong ahi hi. Mihon anvaak a kul hun lam a son laitak mihonpite sia phun teaptuup pai hi. Mihing tul nga na akoi bang peuma hi tanghu tun nga le ngasa pum ni peuma kham thei tu ziam ci uh hi.

JESUS AHI PATHIAN ATU AHI THEI NGAWL KHAT ZONG OM NGAWL HI. AMEN

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,193 phazo

A LUITE SIM/EN KIK TAWNG

Advertisements