Articles (Sizang Lai)

Tawntung Nuntakna Na Nga Zo Le?

Tawntung nuntakna nga thei natu lampi Laithiangtho in teltakin hong son hi. A khatna ah eite in Pathian ih langdo lam ih heak tu ahi hi : “Mi theampo maw siat ahi manin hong tankhia Pathian taw kikhuala hi” (Romte. 3:23). Ih sepna theampo hang in Pathian khuangai mama hi. Tua ahimanin eite sia thukhenna a thuak tute ihi hi. Ih mawnate in tawntung Pathian ledo ahimanin, eite sia tawntung thukhenna a thuak tute ih hi hi. “Mawna in hong piak thaman sia thina hi a, ahihangin Pathian hong piak letsong in ih Topa Jesu Christ hangin tawntung nuntakna ahi hi” (Romte. 6:23).

Ahihang, maw nei ngawl Jesu (1Pet. 2:22), Pathian Tapa Jesu sia mihing bangin hong piang a, (John 1:1,14), ih mawna hangin thina hong thuak hi. “Pathian in eite hong itna hibangin hong ki lang sak hi: Eite in maw nei ih hi laitak-in Christ in eite tangin thina hong thuak hi” (Romte. 5:8). Jesu Christ in thinglamte tung ah thina hong thuak in (John 19:31-42), ih thuak tu thukhenna theampo ama in hong lak sak siat hi ( 2 Corinte. 5:21). Nithum zawk ciang thina zo-in hong tho kik hi (1 Corinte. 15:1-4). Ama thawkikna hangin mawna le thina zo ahina hong lak hi. “Jesu Christ thina pan a thawkikna taw Pathian hong hesuakna ahi anungta lametna ih nga theina tu-in nii vei suakikna eite sung ah hong ki pia ahi hi” (1 Pet. 1:3).

Upna taw in, Christ sia ngum pa le Topa in ih sang thei-a, ngupna ih nga thei natu in ama nasepte le asepna thu ih heak tu ahi hi (Sawl. 3:19). Eite in ama ih um a, Jesu in kei tangin thinglamte tung ah thina hong thuak hi, ci-in ih um le maw maisakna nga in, Pathian hong kamciam tawntung nuntakna ih nga tu hi. “Pathian in leitung mi theampo hong it mama ahimanin Ama Tapa a um mi theampo ki sia ngawl a, tawntung nuntakna a nga thei natu in, Tapa khat bek a neisun hong piak dongin leitung mite hong it hi” (John 3:16).‘Jesu in Topa’ hi ci a, na kam taw pulak in. Pathian in ama sia thina panin tho kik sak zo hi ci a, na thinsung takpi taw na um le, tattkhiatna na nga tu hi” (Romte. 10:9). Christ ii thinglamte tung ah a sepsa nate upna hang bek taw tawntung nuntakna ki nga hi. “ Pathian hong hesuakna hang in upna taw ngupna ki nga hi. Eite hanciamna hang hi ngawl hi. Pathian hong piak thong letsong ahi hi. Ngamtat phatna hang zong hi ngawl hi. Tua ahimanin akuamapo ki suangtaak thei ngawl tu hi” (Eph. 2:8-9).

Jesu Christ sia, na ngumpa le na Topa tu in na sang nuam le hibang in thu na ngen in. Hi thungetna le a dang thungetna taw in ngupna ki nga ngawl hi cisia heak tu ahi hi. Jesu Christ upna le muanna hang bek in mawna saltanna sung pan hong hun thei bek hi. Hi thungetna in Jesu um na hi hunlam Pathian tung ah pulakna le Ama hong piak ngupkhiatna hangin Ama tung ah lungdamkona ahi hi. “Pathian awng, keima in nang kong langpanna taw mawna vawt ka hi hunlam le thukhenna a thuak tu ki lawm ka hi hunlam ka ki he hi. Ahizongin Jesu Christ in ka thuak tu thukhenna teng hong lak sak siat zo hi. Ama ka upna hang in mawmaisakna ka nga hi. Ngupkhiatna ka nga natu Ama ka um hi. Nong hesuakna le mawmaina- tawntung nuntakna letsongte hangin Nang tung lungdam kong ko hi! Amen!”

Source: http://www.gotquestions.org/chin/Siyin/Tawntung-Nuntakna.html

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,193 phazo

A LUITE SIM/EN KIK TAWNG

Advertisements