Articles (Sizang Lai)

Topa Tung Lungdam Kona Le Pokna

“Ancii te po in a meento bang keak ma in Vanglianpipa in a mite ngum tu a, Minam theampo in Ama pok tu uh hi” (Issiah 61:11). Ih Topa sia, a pok tuak Topa ahi bangma, ih pok tu zong a thangai Pathian hi. Hi thu a tel a piangthak thu umte in, a piang thu theampo sung ah Ama pok uh a, Topa in thinnopna le lungdamna pia hi.

Khatvei lai, America ngamthak ah a teang tu in, mihing pawlkhat North Atlantic Tuipi tungah, vuipi nguapi thuakin; ngim nga mama in, pai uh hi. November tha khuasik mama hunlai tak in America ngam New England a cina mun theng uh a, tuipi tung ah, nasia takin ngim nga hikale, Pathian tung ah lungdam ko biakpiakna vawt masa uh hi.

A teen natu uh a ngina nei ngawl ahikom, natna tuatuam nga uh a, mining 102 sung pan, 52 thi paih uh hi. Khuangaina le haksatna, tam mama thuak hikale, a nungta laiteng atu le ngamthak khat a mu uh hu in, lungdam kona biak piakna (THANKSGIVING SERVICE) vawt uh a, tua ni sia, America ngam ah, a masabel LUNGDAM KO NI ahi hi. Lungdam kona taw ngam saat uh a, Pathian in thupha pia hi.

Tangthu khat zong om hi. Khatvei lai in mihing khat Satan kung ah a haw le, mun zai mama khat sung ah, parcel thukno tam mama mu hi. Satan kung ah, hite bang veu ziam, ci in a dok ciang, Satan in, hite sia, mihing thinkiam sak thei vanh hi a, ki khawng mama hi, bo papai hi, ci in zo kik hi. Koi sung veu ki zangh ziam ci a dok ciang, mihingte lungtang sung ah thun suk vazingh leang, amate in hong saang valep hi, ci hi. Ahihang pawlkhat te lungtang sung sia, hi vanh te tum thei mama ngawl hi, ci hi. Akuate ziam, ci a dok ciang, “Pathian tung ah lungdam ko tawntung a, Pathian a pok tawntung te hi!” ci in zo kik hi.

Matthew Henry sia, Pathian ii a zak mama Lai Thiangtho hilcianh sya khat hi a, bangpo a tawk zong Pathian a pok tawntung pa khat hi.

Nikhat, a khualhawna mun khat ah, mihing khat in, ama suam a, a van teng le a dangka bawm lak sak hi. Inn a thet ciang, laidal khat tung ah, anuai abang in lai at hi. Pa Pathian tung ah lungdam ka ko hi. Banghangziam cile

  1. Nidang in ngual ii suamh ka thuak ngei bua a, tusia ma, ka thuak hibek hi.
  2. Ka van le ka sumbawm hong laksak bek a, ka nuntakna bangma hong law bua hi.
  3. Ka sumbawm hong laksak kale, ka nei theampo ahibualai hi.
  4. Ngual suamh a thuak sia, ngual dang hingawl lei a, keima ka hi hi, ci in lungdam ko veve hi.

Topa tung ah lungdam kona le pokna taw, Ama lungkim sak tawntung tawng. Topa ii ei tung ah hong lungkim tu sang, a thupizaw bangma om ngawl hi.

-Words of HOPE, Daily Reflections

Heaktu: Thupha Daitui sung pan aki la kik hi.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,193 phazo

A LUITE SIM/EN KIK TAWNG

Advertisements