Articles (Sizang Lai)

Mualtung Thuhilana Matthew (5) Sung Pan

Sya KipA. LUNGDAM NA THU NAM ( 8 )TE LUNGDAM NA THUPHA A (8) NA

Matthew 5:10-12 Thuman thutang dei na hang in vawsiatna athuakte in, mihing lungdamte ahi uh hi! Ka nungzui na hi uh hu in ngual in hong zawngsak hong vawtsia in, ngitlo leilot thu ananam taw mawna hong zong le mihing lungdamte na hi uh hi. Nathin nuam sak vun, lungdam vun, banghang ziam ci le vantung na thaman santu hong kikep sak sia lian mama hi. Taanglai kamsangte zong ta bang ma in na kivawt sia hi.

Matthew 5: 10 le 11 sia thu nam ni ahihang a dei na bulpi kibang ahi man ih enkhawm tu hi. 5:3-9 dong sia a aat dan kibang pian aa,10-12 sia a aat dan kilamdang hi.

Vawtsiat na a thuak theampo sia thupha hi siat ngawl hi. A kipial thei ngawl Christ Jesus hang ah ih thuak na sia Pathian thupha ahi hi(Philipih 1:29).

Tapidaw suak masate sia Christ hang in mawsiat na thuak uh hi. Vawtsiat na zong thuak uh hi.Tua hun ah Tapidawte ih ngal te ciphabel sia Rome kumpite ahi hi. Rome kumpite in Tapidawte akhial na zong in hesuak na mal khat zong nei ngawl in vawt sia uh hi. Tua hun lai ah Rome kumpite ih Tapidawte tung a khial sak na te sia:——

  1. Pathian ii asa le achi ne hi ci ahikom Tapidawte sia mihing sane te hi.
  2. Khat le khat ki it na nei ah, an kuang uumkhop na taw kipawl khop na anei na sia nginat ngawl na nam khat hi ci in ngaisun uh hi.
  3. Rome kumpite do tu ah avaihawmte (Tapungte) hi ci in ngaisun uh hi.
  4. Innkuan nawng kai sak/ innkuan ki tam sak te hi ci in ngaisun uh hi.

Hi bang in Rome kumpite in amawna zong in vawtsia ahihang Tapidawte sia athi dong in thuak ngam uh hi(Hebia 11:36-40)., Taang lai bek hi ngawl in khangsim khangsim Tapidawte ki vawt sia aa, thu man ngawl bul taw mawsiat na thuak tek uh hi. Tu ni mama Tapidawte zong mawsiat na kithuak tawntung lai hi. Khut le peang zang ah vawt siat na a hi liang bua zong, thin siat valut na tu ah ahi ngangawl mawsiat na te sia Pawlpi sim ah ki thuak tek lai hi. (Tu ma kum 3 lai khawng in India ngam state khat ah thu um te kivawt sia in mihing tam mama maw nei ngawl in kithat hi. Tu sung teng mama zong Pakistan ah thum um mite ki vawtsia in kithat hi).

Vawtsiat na thuak te banghang thupha saang ki ci ziam?

Vawsiat na thuak/ mihing seksolte ci aa thu hi ngangawl taw kison siat na/ thu hingawl bubul taw mawsiat nate hu aa thupha saang ci sia a tel hak mama thu khat ahi hi.

Banghang thupha saang ki ci thei ziam ci le:——–

  1.  Vawtsiat na ihthuak lai tak sia Christ sangah hangsan tak ah ih pawlpui ngam na Tetti la na ahi hi.
  2. Vawsiat na ih thuak lai tak sia ih kisuantak hun ahi hi. Nidang lai kamsaangte, mithiangthote le nungzuite zong Christ taw vawtsiat na thuak khawm tek uh hi. Mihing tampite sia hi thupha anga tu hun om ngawl aa, thuak zong thuak ngam ngawl uh hu.
  3. Vawtsiat na thuak na sia maisang a tu lamsial khol na ahi hi. Ih thuak na te hang in keallei daw taw kibang ah tha ih laak thei tu ki sam hi. Maisang khang pheang te a tu sial sasak, keal lei daw sasak te ihhi hi.
  4. Vawsiat na ih thuak ciang in, ei te bek kithuak ngawl ah Jesus in hong thuak pui nginge hi. Tua hun lai tak sia Pathian taw ih ki nai bel hun lai tak ahi hi. Daneil ih a lawmte thum zong (Shadrach, Meshach le Abednego) meikuang suk amaw ngawl na taw aki lot lai tak Pathian taw thuak khawm uh hi (Daneil 3:25). Ta bang ah meikuang sung a kivawk athuak lai tak sia Pathian taw aki nai bel lai tak ahi hi.

THU UM MI KHAT VAWTSIAT NA ATHUAK LAI TAK SIA ANUNTAAK SUNG HUN PHA BEL LE Tapidaw taang thu sung ah lai mai khat a aat ahi nginge hi. Banghang ziam ci le vawtsiat na athuak sia atu in nuntaak na lukhu akhukhu ahi nginge hi.

Tapidawte ih up na tha man.

5:12 sung ah ih et ciang thuak na hang ah” thaman” akoi khol sak na thu ih mu thei hi. A tung ah ih son thuak na te sia” thaman” nga tu lam et na taw ahi ngawl tu thu pi hi. Hi thu sia mopoai tengat na taw ki bang hi. Mihingte ki it na pan ki thangai na, ki thangai na pan akhak bel ciangin nupa sua na hong theng to hi.Tabang ma in Tapidawte sia Pathian na sep na ah Pathian taw kiseam khawm ahikom Pathian taw ki mai nap vaial ah Pathian taw ih nuntak khop na ah ih theng hi. Pathian taw innkuan khat ih Pasal sia Jesus hong suak hi. Tua hu in up na sia vantung mopoai taw ki bang hi.

Jesus kung pan hamphat na

  1. Matthew 5:12 sung ah “thaman” a ci sia ngam tat na hang ah thalaw thaman a ci nop na hi ngawl hi. Hamphat na thaman a son nop na hi ngawl in hesuak na hang in ih nga tu thute a son nop na hi.
  2. Jesus na kei hong it ah ka naseamte “thaman” ka pia tua ci hang, “thaman” lam en ah a seam te ka pia tu ci ngawl hi (Luke 6:35,Matthew 25:31-46). Jesus dei na bang ah aseamte in thaman thangai na taw seam hi ngawl tu hi. Tua bang ah Pathian naseam te sia Pathian dei na bang ah ngam ta ahi hun lam zong phawk tha ngawl uh hi. Sadhu Sandar Singh in na, ” Kei ma hamphat na tu lamet na taw nana kaseam le hell khuk sung ah hong khia za tan ci liang hi.
  3. Eite ih ih lamet na “thaman sia” Pathian ngam sung ah tum ah, ta sia pa ki pan Pathian taw ki bang nung ta khawm tu ci na ahi hi. Matthew 25 sung ah a son thu in vaipuak lian mama ahihang Pathian taw ki nai zawk na tu thu ahi hi. Paul zong in na “thaman” ci kam mal zang ngawl in “Hesuak na thupha” (Kyizu gazuhna ih akhah) na ci hi( Rome 4:4).

Thu khup na

Hi lungdam na thu thu (8) te sia sep mak sak tu thu hi ngawl ah thu um sa te ih zui tu thu, Jesus ih hong nusiat thu ahi hi. Ih nuntak na sung ah ei ih hanciam na le sep na sia kicing zo ngei ngawl tu hi. A hi hang Jesus tha hat na suang in hi leang seam thei kicing pheang tu hi. Israel te zong Canaan ngam a tum thei na tu angal theampo a zaw sak sia Pathian a hi hun lam mangil bua tawng.

Hi lai a sim theampo Topa na thupha hong pia ta hen.

Kip Pau

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 47,317 phazo

A LUITE SIM/EN KIK TAWNG