Pawlpi Kum 2 Cin Kikhopna

April 28, 2013: US Sizang Tuiphum Pawlpi sia 2012 April 24, 2011 (Easther Sunday) ni kipan aa, Pathian thupha piakna le, kal suanpuina taw tu in kum 2 a cing hi zo hi. April 28, 2013 ni ah Pawlpi kum 2 cin biakpiak kikhopna le, Pastor thak vaipuak aapna ki vawt hi. Pawlpi kipat pan kipan, Rev. Kip Thian Pau in Pastor seam hikale, ama a omna Washington state sia khuala lei ahina le, Seattle Falam Baptist Church te in Pastor tu in vaipuak pia ahina hang in, USSBC pan tawlngah tu ama in Pawlpi tungah hesuak ngen hi. Rev. Dr. Thuam Cin Khai, New York State, Syracues pan, a innkuan, hong kikhiin thei tu ahikom, USSBC EC in Sya Kip ii hesuak ngetna te saang in, Pawlpi keam pastor tu, Sya Thuam vaipuak ki suan hi. Rev. Kip Thian Pau sia, USSBC (Maryland) pan atawp hi ngawl aa, Seattle khua Sizang innkuan le, Falam te sungah USSBC in mission seam tu kong paisak, kong thaa uh hi ci in USSBC chairman Upa Tual Vum in a son ngei bangma, USSBC pawlpi mi theampo in ama nasepna, kal suanna le vaipuak theampoah thungetna le, ahitheiza panpui in tha pia tawntung tu thupi mama hi. Topa Pathian in Sya Kip nasepna theampo le, Sya Thuam ii vaipuak theampo thupha piak sak tahen.