Articles, Articles (Sizang Lai)

Kong Tulmaw Tawntung Hi (I need Thee every hour)

By Rev. James Nang Khai

Keima in Sapitngui hi a, note in a baakte na hi uh hi. A kuama po in kei sungah hong om a, ama sungah kei ka om le ama in nga tampi nga tu hi. Banghangziam cile kei ngawl taw bangma na vawt thei buatu uh hi. (John 15:5)

Lowry

Rev. Dr. Robert Lowry

Siyin Hynm 309 “Kong tulmaw tawntung hi” hi la ii tangthu taw tha nga mama ka hikom ka sangkaa lai in Syate ii hong son thu bangin hong hawm sawn nuam ingh. Leitung ih nuntakna sungah ih phulthak thu a khom khat om zo a, leitung ah Pathian husanna hong piak sung teng ih phulthak tu tam mama lai tu hi. Tua hi a, HUN SIM ih Tulmaw tu sia a dang hi ngawl hi ci in tha la tek tawng.

Hi la aw a phuak sia Rev. Robert Lowry (1826-1899) hi a, a mal sia Annie A. Hawks (1835-1918) hi ci hi. Annie A Hawks (1835-1918) ii pasal sia Charles Hawks hi a, Brooklyn, New York ah teang in ta (3) nei uh hi.

Hanson Place Baptist Church ah Pastor a seam Pathian mi zak mama Rev. Dr. Robert Lowry sia la phua uuk mama khat hi. Annie A. Hawks zongh a no tuung pan kipan la uuk mama numei khat hi. Pastor pa le Hawks te sia a uuk kibang ahikom a thu kisi peuma uh hi ci hi.

annie-hawks

Annie A. Hawks

Hawks in hi la hong pianna a nungsang thu hi bangin na son hi “1872 kum June tha khuaphat ni khat, ka nasep ngei innsung nasep teng ma seamin ka om hi. Ka nasep sung tawntung ka thin sungah Pathian

ka kitangsap tawntungna, Jesus a tawntung ka tulmawkna a thak in ka phawk a, Oh! Kong tulmaw tawntung hi ci bebek bo thei nawn ngawl hi. Bang po ahizong laidal khat tungah hi ka thin sung hong piang teng at tong ci in khensat in ka at hi. Pastor Lowry kungah ka lak a, la aw taw hong bulsak a, hi la hong piang hi .”

Koisung, koisung ih om, ih teang , khual ih haw zong, bang po ih seam zong, nopna, daana mun ah Topa kisamh tawntung hi. Banghangiamm cile “kei ngawl taw bangma na vawt thei batu uh hi” ci hi. Hawk sia a pasal ii nusiat zawk ciang lungzuang khuangai in om a, tumaa kum (16) hun lai iin sung nasep kawm in a thin sung a om tawntung la, Pastorpa ii a vawt sak sia phawk kik in tua la taw tha la kik hi…

Kong tuulmaw tawntung hi, Dikbel Topa,
Na aw neam bang om ngawl,
Thinnop theina.

Kong tuulmaw tawntung hi,
Nop zongh daa zongh,
Nuntakna manh nei ngawl
Nang hong taan leng

Inn sungah nasep bek ah hi la ih sak tu hi ngawl a, thinngim hun, lungzuan khuangai thuak laitak zongh, nop hun zongh ah Pathian a lungngul tawntung Hawks ii nuntakna sia ih biak Pathian dei nuntakna hi thong ngawl ziam?

Hi la thulu taw kisai ih nuntak zia te ki en kikin “Kalsuan sim in Hunpa ih mai ah pai” A tawntung in ih kisap in Jesus Chirst bek hi thong ngawl zia maw. Hi lai a sim theampo Topa in thupha hong pia tahen.. . . Amen.

KONG TUULMAW TAWNTUNG HI
(I Need Thee Every Hour)

Doh is – Ab 3/4                                       S – 309
Kong tuulmaw tawntung hi, Dikbel Topa;
Na awneam bang om ngawl,Thinnop theina.

Nang kong tuulmaw tawntung hi,
Kong tuulmaw tawntung hi;
Thupha hong pia’n Topa awng, Nang kong zuan hi.

Kong tuulmaw tawntung hi, Hong ompui in;
Ze et na’n hong zo ngawl, Nong nai ciangin.

Kong tuulmaw tawntung hi, Nop zong, daa zong;
Nuntakna’n manh nei ngawl, Nang hong taan leng.

Kong tuulmaw tawntung hi, Thu hong hilh in;
Nong khapsa a phate, Hong saang sak in.

Kong tuulmaw tawntung hi, Thiangbel Pa awng;
Nang a, hong hisak in, Tapa pha awng.

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,486 other followers

Leangna hong haw

  • 45,827 phazo

A LUITE SIM/EN KIK TAWNG

Advertisements