Articles, Articles (Sizang Lai)

Eima le Eima Kikepna (Self Control)

Romans-8.6-01

Na thinsung uh chi le sa deina in na uk sak uh le thina piang a; na thinsung Thaa in a uk le, nuntakna le thin nopna piang hi. Tua ahiciang mihing khat sia, a thin sungah chi le sa deina in a uk le Pathian ngal suak hi; banghangziam cile ama in Pathian thukham ni ngawl hi, a tatak ci ciang ni thei ngawl hi. Chi le sa deina a zuite in Pathian a lungdam sak thei bua hi. Ahihang note in chi le sa hong sawl bangin na nungta bua uh hi; Pathian Thaa sia note sungah hong nungta takpi ma ahi nale Thaa ii sawl bangin na nungta uh hi. A kuama po Christ ii Thaa a nei ngawl sia in, ama neisa ahi bua hi. (Romete 8:6-9)

 

Ih thin le ih ngaisutna ii uk babang (emotion) theampo zui papai ngawl natu eima le eima kikepna sia, thin nopna ngana ii lampi ahi hi. Ih ngaisutna sung hong suak theampo (emotion) ii nung ih zui thak papai ngawl natu thu 4, TOPA kammal siisan in kong hawm nuam hi.

 

  1. Na ngaisutna sung nuam na sak babang (emomtion) zui papai heakin, banghangziam cile, muan huai siatbup ngawl hi. Ih ngaisutna te sia khial thei hi. Nisim ih upmawk le mann tu ih up mama thu tam mama sia akhial a nahi hunlam dam in kimu kikik hi. Paunakte 14:12 sungah Pathian kamal in “Lampi maan na sak khat in thina sung hong then thei hi.” hong ci hi. NIV sung en leang “There is a way that appears to be right, but in the end it leads to death”. Na thin sung hong piang theampo, na ngaisutna sung hong piang theampo, na emotiona theampo muang miitmiat heak in, banghangziam cile thumaan, thudik hisiatbup ngawl tha tu hi.

  2. Na ngaisutna sung nuam na sak babang (emotion) zui papai heakin, banghangziam cile, midangte ii ziakna banbang a ngamta vamel pa/nu na suak tu lauhuai hi. Na emotion na control bua ii na up babang, nuam na sak babang na zui ngawp papai le, midang te le, na ngaisutna feeling in khui naakphe bangin hong phe, hong zocip tu aa, na ngaisutna le ngualdangte ii sawlna theampo a zui vangeng pa/nu na suak tu hi. Na feeling le emotion bebek na zui le midangte in nangma tungah akhua-azi hong la tu hi. Midangte ciciang Satan le nungzuite cina hi. Khui naakphe bangin a kiphe mihing khat sia Satan in a uk, a deina theampo ah kai in zangh kakoai tu hi. A kidawm a kinging sa in om tawntung in. 1 Peter 5:8 sungah “Pilvang vun a, encik vilvel vun! Na ngalpa Doaimangpa sia a valhlup tu khat po zongin, tawpi hawk bangin, na kiimkot ah hong vak hi.” ci hi.

  3. Na ngaisutna sung nuam na sak babang (emotion) zui papai heakin, banghangziam cile, TOPA maipha na nga natu thu hi. Na emotion le na feeling na nang hong uk le, TOPA Pathian in nang hong uk thei ngawl hi. Topa 2 ii sila kiseam khawm thei ngawl hi. Na khat papo tungah khensatna (decision) na vawt tu ciang na feeling, na emotion om babang zui in thu khensatna na vawt le, TOPA Pathian sia nang ii Pathian hi nawn ngawl hi. Na feeling le na emotion sia na Topa le na Pathian suak hi. Romte 8:6 sungah “Na thinsung uh chi le sa deina in na uk sak uh le thina piang a; na thinsung Thaa in a uk le, nuntakna le thin nopna piang hi.” ci Pathian kammal mangil buatawng.

  4. Na ngaisutna sung nuam na sak babang (emotion) zui papai heakin, banghangziam cile, khantona ii tuinaak ahi hi. Leitung mihingpil te ii study tam mama a vawvawt zawk ciang a mukhiat thu in, thin sauna taw kidim in ngaisutna om babang a pualaak papai ngawl, feeling le emotion a control tinten te in adangte saang ngualsuak zawk, khangto zaw, khuadawk zaw ci thu ahi hi. Mihingte mai ah a feeling le emotion ki-control zo ngawl ahikom, thin uk in nge ngawp tha ahikom, maimawlna a thuak, zaatakna a taan mihing tam mama ih mu ngei hi. Paunak 5:23 ah a kiat Pathian kammal sim tawng “Ama in pumpi ki uk zawkna nei ngawl ahikom thi hi. A mamawt biingna in ama thaankuul ah puak tu hi.”

 

TOPA Pathian sia ngumpa le tanpa in saang a, nangma le nangma na kipiak ciang na pumpi na thaa le na hina theampo kipia siat zo ni hi. Na hina theampo kipia siat zo ciciang na feeling, na ngaisutna le na emotion theampo zong TOPA Pathian pia siat zo na hi hunlam phawk in. TOPA Jesu na ama nung zui tu bek in hong dei hi, na feeling na ngaisutna le na emotion nung zui tu hong dei ngawl, hong awi ngawl ahihunlam tel thei tawng.

 

“Tua ahikom tu pan kipan in, na leitung nuntakna uh a om laiteng, mihingte deina thin in uk sak heak vun a, Pathian deina in uk sak tavun.” (1 Peter 4:2)

 

TN

Dopha: “How to deal with what you feel” by Rick Warren

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,487 other followers

Leangna hong haw

  • 45,164 phazo

A LUITE SIM/EN KIK TAWNG

Advertisements