Articles (Sizang Lai)

Lungdamna Tatak (The Real Joy)

joy in lifeLungdamna sia ngupna taw akikop in Pathian’ hong piaksa hi kale, ih saan thiam kul lai hi. Paul in Rome thongzing sungah atak sung, hi Philippi laithak na at a, lungdamna maaan tatak anei natu na hanthawn hi.

.

1. Akaa Ngawl Thin “The Single Mind”(Phil.1) Kiim le paam taw akisai ngawl Lungdamna… James in thinkaate sia vui ii seam tuihual taw kibang a, a thunget nga ngawl tu ci hi. Tupna nei ngawl a, apheang septe hi. Paul in, “Ka nuntakna sia Christ hi,” ci hi. Ka sep khat sia nungsang thute ngaisun ngawl a, maisang thute ka phak natu ka hanciam ci hi. Paul sia thongbiing sungah kol akithaak sungma in, kiim le paam thute phawk ngawl hi. Jesu atu thong tak a, lungdam thu son tubek thin nei ahikom, angtang mama a, ngual thapia lai hi.

.

2. Akipia /aap Thin “The Submissive Mind” (Phil. 2) Mihingte taw akisai ngawl Lungdamna… Topa Jesu sia Ama vawtsate in vawtsia in that kale, amate atu Pa tungah thunget sak lai hi. Ei sia hong itte ma ki it bek, hong ensante ki ensan thong hi. Kiniamkhiak a, ngual sia ei sangin thupi sak zaw tu ci hi. Topa Jesu sia Pathian tatakma hi napi, Pathian ka hina thasua batong ci peuma ngawl a, mihing bang sila lim la in thinglamte tungah athi dong kiniamkhiak hi. Ih mipuite hawmthaw.. eang.. ngaimaw in ih lungdamna ih lal sak tha bana tu ziam?

.

3. Thaa Thin “The Spiritual Mind”(Phil. 3) Leitung nate taw akisai ngawl Lungdamna… Ci le sa deina sia amate pathian hi a, leitung nate bekma a ngaisunte in lungdamna tatak nga ngei ngawl hi. Tungsang a mitsuante bekma lungdam hi. (ano 19-20) Sum le paai dei leina sia leitung nate hi a, siatna theampo ii azung hi ci hi. Ih mu thei nate sia tawmvei atu bek hi a, ih mu thei ngawl thaa thute sia tawntung atu hi. Paul zong, ci le sa suan tu hau mama [biakna, thukham] kale Topa Jesu miphatanna asaan ciang tateng theampo eak bangin mu hi.

.

4. Akip Thin “The Secure Mind”(Phil.4) Thinngimna azo Lungdamna… Ih lungdamna sia atung aa thu 3 teng hang ahile kip ngawl tu hi. Paul in “Lungdam vun, khatvei kong cikik hi.. lungdam vun” ci hi. Hi lungdamna akip sak sia: (a) Pathian thinnopna hang [God’s Peace.. ano 7), (b) Pathian Vangletna hang [God’s Power.. ano 10-13], Pathian Hongpiak nate hang [God’s Provision..ano 14-23] Lungdamna tu yuhsianna et hang hall sungpan na pusua zokpo ciang bo lel hi. Lawm le ngual taw na kithol ciang na lung adam bek le amate taw na kikhen zokciang bo kik hi. Pathian kungpan hongpai lungdamna bekma kip hi. Paul in cimawkna le citheina, ngilvana le ngilkialna, hauna le zawnna sung lungkim thei natu thuku ka sinsa ahi hi ci hi. Thupha le apok-huai thute, thuman thutak, mipi tanhuai thute na ngaisun tavun ci hi. Lungdam tawng…

Heaktu: Thusinna 372, YSBC pan a kilakik hi

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,487 other followers

Leangna hong haw

  • 45,020 phazo

A LUITE SIM/EN KIK TAWNG

Advertisements