Articles, Articles (Sizang Lai)

2013 Kum A Kipan Mission Sep Tu Zia

missionBy Vum Khat Pau

ZBC (CBC) ii Mission nasepna nung lee et kik pak leang 1983 a kipan Chins for Christ in One Century (CCOC) ci in kipai sak a, Carson sangmangpa ii Zongam hong thet kum 100 cin poai 1999 kumin maa kizial hi. CCOC nasepna sia Zongam sung a tuan in Zongam thangsang teng ah kiseam a, thu um mi tarn ma kibelap bek dom ngawl, Pawlpi kibelap a, Association zongh khangto hi. 1999 zawkciang sia Centenary Mission for Christ (CMC) ci in Zongam ah pai nawn ngawlin Kawlsung ah kipaisak a, Judson ii Kawlngam hong thet kum 200 cin 2013 kum ciang maa zialna kinei tu hi. Tua hun zawkciang sia Mission sepna ah ZBC (CBC) pui ding nawn ngawl tu a, Association le Pawlpi pui ding in sep tu kisawm hi.

Tua hi a, ZBC (CBC) ii thukimna om bangin 2013 kum pan kipan Mission nasepna Association tek pan seam tu hi ci thu a omna aw kizui in, ZBC (CBC)sung om Association tatuamte 2013 kum ciang Association le Pawlpi bulphu in Mission sep dan tu kinging khol tek zouh hi. 2012 kum SRBA ii Department EC kikhopna, SRBAMC kikhopna le SRBA-EC kikhopna te ah hi mission sep natu ma a thupi belin kikupna kinei thei hi. Tu ciaciang SRBA-E&M, SRBA-MC le SRBA-EC ah lungkimna omsa thu pawlkhat teng, meeting ka kaana pan ka heak teng kong pualaak kik nuam hi.

SRBA huam sungah Pawlpi tek in Mission mun khat tek kiseam nuam hikale Pawlpi thahatzia kikim ngawl, kibang ngawl ahikom Group kua.ih kikhen a, sep tu in kingeal hi.
Tua group te le a sep tu zia sia a nuai a bang ahi hi.

(1) Forthwhite Mission for Christ
Hi Mission group sungah a kipawl tu Pawlpite sia Khuasak, Thuklai, Buanman, Lbphei le
Pumva Pawlpi te hi a, a group min sia Fortwhite Mission for Christ ci uh hi. Mission a sep natu mun sia GorpoStw ah seam tu ci pualaakna nei a, Missionary a pai tu mi le a thasum piak tu za sia khensatna nei ngawl lai hi.

(2) Agape Mission for Christ
Hi Mission group sungah a kihel pawlpi te sia Theizang, Suangdaw, Dolluang, Mualpi, Hiangzing, Taingen, Sualiim le New Suangpi pawlpi te hi a, group min sia Agape Mission for Christ ci uh hi. Mission sep natu mun sia Masejn, Kalaywa Township hi a, Missionary tu in Rev. John Holling paisak tu le thasum Ks.90,0007- piak tu in lungkimna om zo ci thu pualaakna nei uh hi.

(3) Galilee Mission for Christ
Hi Mission group sia TSBC le Khaikam Pawlpi te ii sepna hi a, mission min Galilee Mission for Christ ci uh hi. Mission sep natu mun sia Myothit, Kalay- Myo hi a, Missionary tu in Rev. Nyian Htwe pai tu hi. Thasum piak tu zaa pualaakna nei ngawl hi.

(4) Siallum Mission for Christ
Hi Mission group sia Voklaak, Takkhawl le Bekan Pawlpi te ii sep tu Mission hi a, Siallum Mission for Christ ci in min vaw hi. A sep natu mun sia Heloh (a) Kamonchung hi a, missionary tu le a thasum piak zaa tu pualaak ngawl lai hi.

(5) Nineveh Mission for Christ
Hi Mission group sungah KSBC, Zongal, Bungh, Leidaw Pawlpi teng kipawl a, a min Nineveh Mission for Christ ci uh hi. Sep natu mun, Missionary le a thasum tu vaihawm saan lai hi.

(6) TSBA Mission for Christ
TSBA sung om pawlpi ahi Tungkyaw, Zangnuam, Phaizang, Nanphalong; Muallian pawlpi teng kipawl in a sep tu ahi hi. Mission sep natu mun sia Bandula hi a: Missionary tu Sya Jangneilun hi. Thasum piak zaa tu pualaak ngawl lai hi.

(7) LSBC Mission for Christ
LSBC (Leipui Sizang) pawlpi te ii mission sep natu hi a, a mun sia Kyikone ah kipan zo in Missionary tu mu ngawl lai ahihang a thasum tu Ks. 35000/- kipat sak tu in ngeal uh hi.

(8) YSBC Mission for Christ
YSBC (Yangon Sizang) Pawlpi ii mission sepna hi a, Hlaingthayar, Shwe Pyithar le Yuzana ci te ah seam hi. Hlaingthayar ah Rev. J . Lian Kim Thang, Shwe Pyithar ah Syama Win Mar Moe le Syama Hnin Thazin Phyu te in seam a, Yuzana sia Pastor Pau Thian Cing ki omsak hi. Pr. Pau Thian Cing sia YSBC Asst. Pastor thasum taw seam a, tua ngawl Missionary dang thum teng thasum Ks. 55,000/- tek kipia hi.

(9) Perth Mission for Christ
Australia ah om Sizang Pawlpi PSBC te ii mission sepna hi a, a sepna mun sia Shwe Siyin, Hmawbi Township le Phoethudaw, Delta sungah seam hi. Shwe Siyin ah Sya Hmat Po, Deltha sungah Sya Sa Myint Oo te paisak hi.

MISSION MUN NEI SATE
Hi a tung a mission sepna taw kisai PSBC,”YSBC, LSBC le TSBC ci bang teng sia a seam sa mun a nei sa hi a, a tarn zaw sia 2013 sung kipat thei tu in kithoai laitak ahi hi. Mission sepna mun a neisa te atu sia a thak zon kul ngawl tu a, ih sepna sa teng SRBA in kipsak in ZBC (CBC) dong ah hong pualaak sak tu hong sonto sak tu hi.

MISSION MIN
Mission min piakna ah eima group tek ii dei bangin a kiphuak hi a, min tuam a phuak ngawlte a Pawlpi min taw kiciamtee hi. Min nung ah ih belap “for Christ” Christ atu ci teng sia SRBApan a kibangin zangh thei leang ci lungkimna taw a kibelap sak ahi hi.

MISSIONARY THASUM
Missionary thasum taw kisai SRBA Meeting te ah kikupna kinei a, tu laitak ZBC (CBC) te ii piak sia thasum bul Ks. 70000/- sia sangin tawm zaw bua le ci in kilungkim hi. SRBA Missionary peuma a thasum Ks. 70000/- sangin tawmzaw bua hen a, innkuan pui a zi/ a pasal atu Ks. 10000/-, a tate kum 18 a pha ngawl lai peuma khat ciang Ks. 5000/- allowance a kibangin pia thei tek hamtang leang ci sia SRBA-EC dong lungkimna ahi hi.

SRBA E&M OB LE EC TU
A tung a bangin SRBA sung Pawlpi tek pan Mission ih puak tu tak ciang SRBA E&M omzia tu zongh ih puaphat hong kul hi. Tua ahikom SRBA E&M OB sungah a tung a ih son Group 9 te ii Chiarman teng sia SRBA-E&M OB member hi tu a, SRBA-E&M EC member zongh hi paih tu hi. E&M EC member tu in Pawlpi khat pan 2 tek ih paisak sia Group Chairman omna pawlpite ahile a dang khat belap in paisak tu kici hi. Tua bang hi le SRBA-E&M EC member a pha zaa a kilaihna om tuan ngawl tu ci nopna hi:

BIAKNA LIANTE LE MISSION
Leitung ah Biakna lian Ii om a, Hindu, Buddhism, Muslim le Christian ahi hi. Tua sung pan Mission a seam ngawl sia Hindu te hi. Hindu te in a biakna sia amate minam atu bek ci in saang ahikom minam dang sungah theng sak nuam ngawl a, mission seam ngawl uh hi. Tua hi a, ei Christian te atu a kiitak huai ngawl bel ci tu hi. Buddhism te ahile mission seam hi.

Zongam ei nai Tedim khua ah a om zawk ngei zo hi. Ih Sizang ngam ah sia Mualpi ah kipan a, a biakna inn phonggyi sang hong koi zo hi. Kumpi thu le nei le lamh suang ahikom upna kho nei ngawlte tua sungah kihel thei awm tak hi. Muslim te ahile mission a sepzia sia amate sung Muslim innkuan sung pan mihing tarn mama piana tu hi zen hi. Tua ahikom pasal khat in zi 4 le 5 pan a tungsia nei thei hi. Ta a nei ciang Muslim kipawlnainsum, hunapia hi. Muslim khat in minam dang biakna dang khat teenpui in Muslim a zui sak zo le huna sum Muslim le Muslim kiteen sangin a tarn zaw nga hi. Tua sung pan pilna nei doctor, engineer khawng teen pui in hi le a tarn seseam nga lai hi. Zi a dei zaza nei thei ahikom a mi in Muslim te tarn khangto mama hi. Tua ahikom leitung ah a lauhuai bel, a kiitak huai bel suak hi.

CHRIST ATU MISSION
Ei Tapidaw te ii Mission sepdan, sepzia sia innkuan khat sung pan mihing tarn mama pian natu zi tarn mama nei tu ci bang hi thei ngawl hi. Ei Sizangte bang ih ngeina in “pasal khat zi khat” Lai Thiangtho in zongh “pasal khat zi khat” ci hi. Tua ahikom Tapidaw te ii Mission sepna ah numei le pa vai, zawthawk vai taw mission seam tu hi ngawl a, Pathian ii Agape Itna tel sak tu, eima itna tel sak tu sia thupi mama hi. Tapidaw sia leitung nopsak natu lametna in a suak thathong nuam hi ngawl a, Jesus Ngumpa le Topa in saang takpi a, ngupna nga a kitel sinsen ahi tu a thupibel ahi hi.

Hi bang sepna ah ei ki ukna taw kisai thunei kihi ngawl a, zawthawk thu kizangh thei ngawl hi. Sum le paai ngual za in kinei ngawl ahikom sum le paai bek suangin kiseam thei ngawl hi. Zi tarn tatak nei tu, ta le tu tarn mama nei tu ci zong ih ngeina, ih biakna taw kisi ngawl hi. Tua ban ah ngamdang ngam puasia mi namdangte ii huuna taw hi ngawlin eima le eima hanciamna taw mission seam tu te kihi hi. Tua ahikom ih mission sepna ah, eima tatak ih pai zo bua zong ih hi thei san tek pan maa ih pan kul tu hi. Sum le paai tarn ih nei ngawl hang ih hizawk za tek ngawm khawmin ih seam tu hi. Thu le la ah pilvang takin ngual ii diksak tu in ih pau thei ih sep thei kul tu hi. A thupi bel ah a nungta Topa Pathian atu naseamte ih hi bangma thungetna nasia tak in ih nei kul tu hi. Tua ahikom 2013 zawk mission nasepna ah zawna, maa tutna ih nga thei natu ih Pathian, a nungta Pathian tungah ama deina bang a sua natu ki aapna le thungetna nasia takin nei tawntung in maa ih pang tek tu hi.

Note: The Siyin Baptist Vol (58) sungpan

Advertisements

Discussion

No comments yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

Rev. Dr. Thuam Cin Khai
Rev. Dr. Vungh Lian
Siyin chin baptist church

Enter your email address to follow this blog and receive notifications of new posts by email.

Join 2,482 other followers

Leangna hong haw

  • 46,699 phazo

A LUITE SIM/EN KIK TAWNG

Advertisements